شابىتىما شابىت قوسقان «شالقار» راديوسى (فوتو، ۆيدەو)

كەشە قازاقتىڭ ءۇنى «شالقار» راديوسىندا قوناقتا بولىپ قايتتىم. «شالقار» راديوسىنىڭ كۇمىس كومەي، ءۇنى دارا، ءسوزى ورامدى جۇرگىزۋشىسى گۇلبانۋ الپامىسقىزىنىڭ شاقىرۋمەن بارىپ، جۋىردا عانا جارىق كورگەن «قازاق كۇرەسىنىڭ قارا نارلارى» اتتى جارىققا شىققان كىتابىما قاتىستى تەرەڭ ماعىنالى، ءماندى سۇحبات بولدى.

داۋىسىمىزدى ءۇن تاسپاعا جازعان، ءوز سالاسىنىڭ مايتالمان مامانى سابەتحان مەيىرحان ۇلى باۋىرىمىزدىڭ اقجارقىن كوڭىلىنە قاتتى ريزا بولدىم. اتى الاشقا ءمالىم داۋىسى دارا تۇلعا انۋاربەك بايجانباەۆ اتامىزدىڭ ەڭبەك ەتكەن ستۋدياداعى مۇراجايدى تاماشالاپ، ەستەلىككە سۋرەتكە تۇستىك.

سونىمەن گۇلبانۋ حانىممەن ءبىر ساعات بويى جۇرگىزگەن سۇحباتتا قازاق كۇرەسىنىڭ كەشەگىسى مەن بۇگىنى بارىنشا قامتىلىپ ايتىلدى. گۇلبانۋ دا جۋرناليستيكانىڭ قامشى سالدىرماس ھاس مامانى ەكەنىن دايىنداعان وتكىر سۇراقتارىنان-اق بىلۋگە بولادى. حوش، سونىمەن «شالقار» راديوسىنا سۇحباتىم الداعى سارسەنبى كۇنى ەفيرگە شىعادى. ال، سۇحباتتىڭ قالاي وتكەنىن تىڭداۋشىنىڭ پاتشا كوڭىلى الداعى ۋاقىتتا باعاسىن بەرە جاتار.

اقىن ورداباي ۇلى،

الماتى