Shabytyma shabyt qosqan «Shalqar» radıosy (FOTO, VIDEO)

Keshe qazaqtyń úni «Shalqar» radıosynda qonaqta bolyp qaıttym. «Shalqar» radıosynyń kúmis kómeı, úni dara, sózi oramdy júrgizýshisi Gúlbaný Alpamysqyzynyń shaqyrýmen baryp, jýyrda ǵana jaryq kórgen «Qazaq kúresiniń qara narlary» atty jaryqqa shyqqan kitabyma qatysty tereń maǵynaly, mándi suhbat boldy.

Daýysymyzdy ún taspaǵa jazǵan, óz salasynyń maıtalman mamany Sábethan Meıirhanuly baýyrymyzdyń aqjarqyn kóńiline qatty rıza boldym. Aty Alashqa málim daýysy dara tulǵa Ánýarbek Baıjanbaev atamyzdyń eńbek etken stýdııadaǵy murajaıdy tamashalap, estelikke sýretke tústik.

Sonymen Gúlbaný hanymmen bir saǵat boıy júrgizgen suhbatta qazaq kúresiniń keshegisi men búgini barynsha qamtylyp aıtyldy. Gúlbaný da jýrnalıstıkanyń qamshy saldyrmas has mamany ekenin daıyndaǵan ótkir suraqtarynan-aq bilýge bolady. Hosh, sonymen «Shalqar» radıosyna suhbatym aldaǵy sársenbi kúni efırge shyǵady. Al, suhbattyń qalaı ótkenin tyńdaýshynyń patsha kóńili aldaǵy ýaqytta baǵasyn bere jatar.

Aqyn ORDABAIULY,

ALMATY