• Қазақ
  •   
  • Qazaq
  •   
  • قازاق
  •   
  • Рус
  •   

    Atyraýda «Munaıshy» stadıony jańardy

    Fýtboldan Qazaqstan kýbogynyń fınaldyq tartysyna  Qyzylordanyń «Qaısar» klýby men «Atyraý» komandasy shyqty.

    22 qyrkúıekte eki klýb el kýbogy úshin tartysqa túsetin bolady.

    Atyraýdyń  «Atyraý» komandasy Qazaqstan kýbogynyń jartylaı fınaldyq qarymta oıynyn óz alańynda, «Munaıshy» stadıonynda ótkizdi. Match barysynyń qalaı ótkeni jóninde jazyldy. Bizdiń aıtpaǵymyz «Munaıshy» stadıony jóninde. Qaqqan qazyǵyńa qara altyn jaǵylatyn qazynaly óńir, munaıly astanadaǵy «Munaıshy» stadıonynyń tozyǵy jetip, alańyndaǵy jasyl jelektiń de usqyny qashyp, keteýi ketken edi. Osydan alpys jyl buryn salynǵan stadıon ÝEFA talaptaryna saı kelmeıtin-di. Tabıǵı kógalyn da kún kúıdirip, jel syndyryp ala-qula, oıqy-shoıqy bop jatatyn.

    Bıylǵy jyldyń naýryz aıynda stadıonnyń alańyna jasandy  kógal –  gazon tóseý jumystary bastalǵan bolatyn. Atyraý halqyna tamasha syı, orasan tartýdy «GAZ stroy montazh KZ» jaýapkershilgi shekteýli seriktestigi jasap, mejeli merzimde «Munaıshy» stadıonyn jasandyryp jiberdi.

    Qazaqstan kýbogynyń jartylaı fınaldyq qarymta kezdesýine tuspa-tus kúrdeli jóndeýden ótken  stadıonnyń saltanatty ashylýyna  Atyraý oblystyq deneshynyqtyrý jáne sport basqarmasynyń basshysy Rınat Ibragımov,  fýtbol ardageri Qanat Galıamov jáne stadıondy kúrdeli jóndeýden ótkizip bergen meenat, «GAZ stroy montazh KZ» JShS-niń negizin qalaýshy, Atyraý oblystyq jaýyngerlik óner assoıaııasynyń dırektory Erlan Tabyldıev qatysyp, tusaýkeser rásimin jasady.

    ÝEFA standartyna saı, barlyq talapqa laıyqty   jańartylǵan stadıonda ótken «Atyraý» men Shymkenttiń «Ordabasy» komandalary arasyndaǵy match 0:0 esebimen bitti. Shymkentte ótken alǵashqy oıyn 1:1esebimen aıaqtalǵandyqtan «Atyraý» komandasynyń syrt alańda soqqan golynyń salmaǵy basyp, fınalǵa joldama aldy.

    Atyraý oblysynyń ákimi Nurlan Noǵaev ta oıynda stadıonnan tamashalap, fýtbolshylardy fınalǵa joldama alýymen quttyqtady.

    – Komandamyzǵa qoldaý kórsetýge jınalǵan jankúıerler atynan, óz atymnan osynaý stadıonǵa kúrdeli jóndeý jumysyn júrgizip, tamasha tartý jasaǵan atymtaı-jomart azamat Erlan Hısmetulyna zor alǵysymdy aıtamyn. «Atyraý» komandasynyń oıynshylary  jaqsy oıyn órnegin kórsetti.  Jankúıerlerdiń úlken qoldaýy fýtbolshylardyń jigerin janı túskeni anyq.   Qazaqstan kýbogynyń fınaldyq kezeńine buǵan buǵan deıin eki ret jetip, súrindik. Endi bizge kýbok buıyrsyn dep tileımin, – dedi oblys ákimi Nurlan Asqaruly.

    Stadıonǵa kúrdeli jóndeý jumysyn júrgizip, alańyn jańartyp bergen Erlan Tabyldıev te fýtbolshylardy quttyqtap,  sáttilik tiledi.

    – Oblysymyzdyń fýtbol komandasy jetistikke jetse, atyraýlyqtardyń qýanyshy ekeni sózsiz. О́zimiz bala kúnimizden fýtbol matchtaryn qalt jibermeı tamashalap, jankúıer bolyp kelemiz. Atyraýlyqtarǵa  zamanaýı úlgide jóndeýden ótken stadıonda fýtbol tamashalaýǵa oraı týǵyzǵanymyzdy  paryz sanap, osynaý jaýapkershilikti arqaladyq.  Qalaǵa fýtbol merekesi qaıta oralsa degen tilegimiz oryndalǵanyna qýanyshtymyz. Álemdik talapqa saı kúrdeli jóndeý júrgizilgen  stadıonda endi fýtbolshylarymyz tolaıym tabystarymen qýanta bersin, – dedi Atyraý oblystyq jaýyngerlik óner assoıaııasynyń dırektory Erlan Tabyldıev.

    Toǵyz myńǵa jýyq kórermen sııatyn stadıonda ótken «Atyraý» men «Ordabasy» arasyndaǵy oıyndy tamashalaýǵa jınalǵan qalyń kórermen match sońynda  jergilikti klýb fýtbolshylaryna erekshe qurmet kórsetti.

     

    Qýanysh RAZAQ,

    ATYRAÝ. 

    Pikir jazý

    Your email address will not be published. Required fields are marked *

    *