Bıbisara Asaýbaeva Gran-prı týrnırin jeńispen bastady

Shahmattan álemniń eki dúrkin chempıony Bıbisara Asaýbaeva Úndistannyń astanasy – Delı qalasynda ótip jatqan Gran-prı týrnırinde alǵashqy jeńisine jetti.

Ol birinshi týrda alań ıesi Rameshbabý Vaıshalıdi utyp, qaltasyna bir upaı saldy.

Bul týrnır laıyqty deńgeıde uıymdastyrylmaǵandyqtan bir kúnge keshigip bastalǵan bolatyn. Sonyń kesirinen Jansaıa Ábdimálik pen Germanııanyń ókili Elızabet Pet jarysqa qatysýdan bas tartty.

Qazir týrnırge qatysatyn 12 shahmatshynyń ornyna 10 adam baq synap jatyr. Osyǵan baılanysty týrnırdi uıymdastyrýshylar ilezde jarys kestesin ózgertti.

Bıbisara Asaýbaeva ala taqta alamanyna ekinshi týrdan bastap qatysyp otyr. Endi ol búgin grýııalyq Nıno Batsıashvılımen shahmat taqtasynyń basynda kezdesedi.

Dastan KENJALIN,

ASTANA