SportPress.kz Qazaqstan sport jańalyqtary
Búgin Ázerbaıjan Respýblıkasynyń astanasy – Baký qalasynda taekvondodan álem chempıonaty bastaldy, dep habarlady Mádenıet jáne sport mınıstrligi Sportty damytý dırekııasynyń baspasóz qyzmeti.
Bıylǵy básekege 145 elden 950-den astam tańdaýly sportshy jınaldy. Olar alǵashqy jarys kúni Olımpıada baǵdarlamasyna kiretin eki salmaqta synǵa túsip jatyr. Ulttyq qurama sportshylary – Eldar Birimbaı (68 kg) men Marııa Sevostıanova (57 kg) jarysty ekinshi aınalymda aıaqtady.
Marııa Sevostıanova birinshi aınalymda chehııalyq Hana Flegrovany senimdi utqan. Osydan keıin tartysty jekpe-jekte tájirıbeli brazılııalyq Marııa Klara Lımaǵa jol berdi. 17 jastaǵy otandasymyz bıyl ulttyq qurama sapyna qosyldy. Byltyr jastar arasyndaǵy Azııa jáne Qazaqstan chempıonatynyń kúmis júldegeri atanǵan. Bıyl Slovenııanyń ashyq chempıonatynda top jarǵan. Ol reıtıngtik týrnır bolyp sanalady. Bul — onyń eresekter arasyndaǵy alǵashqy iri jarysy.
Eldar Birimbaı Bakýdegi alǵashqy jekpe-jeginde gabondyq Amar Musany 2:0 esebimen aıqyn basymdyqpen jeńdi. Alaıda kelesi kezeńde Parıj Gran-prıiniń jeńimpazy, álem reıtınginde besinshi orynda turǵan ıspanııalyq Haver Perez Polodan ese jiberdi.
Osymen ekinshi ret álem chempıonatyna qatysyp turmyn. Manchesterde (2019 jylǵy – red) jekpe-jekterde bar bilgenimdi kórsete almadym. Bar qatelik ózimnen ketti, — dep aıtty ol jekpe-jekten keıin.
Aıta keteıik, Bakýde taekvondodan XXVI álem chempıonaty bastaldy. Bıylǵy doda Halyqaralyq taekvondo federaıasynyń 50 jyldyǵymen tuspa-tus kelip tur. Aldaǵy aptada munda Parıj Olımpıadasyna qajet upaılar sarapqa salynady. Bul sportta reıtıngi eń joǵary báseke – Olımpııalyq oıyndar (G20). Odan keıin álem chempıonaty (G14), Gran-prıdiń fınaly (G10) men Gran-prı sanatyndaǵy jarystar (G6) tur.
Qazaqstandyq taekvondoshylardyń nátıjesine sholý
Bizdiń daıang sheberlerimiz táýelsizdik jyldary álem chempıonatynda barlyǵy 8 qola medalge ıe bolǵan. Júldegerler: Qaırat Sarymsaqov (2019 ben 2017 jyly), Arman Shylmanov (2009 jyly), Aslan Batyqulov, Arman Shylmanov, Nazgúl Tájiǵulova (2007 jyly), Lııa Nýrkına (2003 jyly), Ádilhan Saǵyndyqov (1999 jyly).
Shamken BAIYRBEK,
Foto: Mádenıet jáne sport mınıstrliginiń Sportty damytý dırekııasy
ASTANA
