Taekvondodan ÁCh: Qazaqstan quramasynyń joly bolmaı jatyr (FOTO)

Búgin Ázerbaıjannyń astanasy — Bakýde ótip jatqan taekvondodan XXVI álem chempıonynyń úshinshi jarys kúni máresine jetti.

Jarys jolyna ulttyq qurama sapynan Nurlan Myrzabaev (80 kg), Smaıyl Dúısebaı (87 kg) men Botakóz Qapanova (49 kg) shyqty, dep habarlady Mádenıet jáne sport mınıstrligi Sportty damytý dırekııasynyń baspasóz qyzmeti.

Alǵash bolyp daıangqa shyqqan Nurlan Myrzabaev (80 kg) ırlandııalyq Raıan Doıldy aıqyn basymdyqpen utqan edi. Alaıda ekinshi aınalymda asa tartysty aıqasta Mateı Nıkolıchke 1:2 esebimen ese jiberdi. Mateı osymen ekinshi ret qazaqstandyq taekvondoshydan basym túsip otyr. Horvatııalyq sportshy 2019 jyly Bekjan Nusnálimmen kezdesip, aılasyn asyrǵan.

Búgin ulttyq qurama qorjynyna júlde salatyn jaqsy múmkindik Botakóz Qapanovada boldy. Otandasymyz (49 kg) alǵashqy jekpe-jeginde rýmynııalyq Nıkoleta Klaýdııa Badjandy, sosyn kanadalyq Vıvıan Trankvıl men jarys qojaıyny Fatıma Abakarovany aıqyn basymdyqpen utty. О́kinishke qaraı, shırek fınalda qazirgi Eýropa chempıony túrkııalyq Merve Dınchelge jol berip, júldege synyq súıem qalǵanda súrindi.

Al Smaıyl Dúısebaı grekııalyq Vasılıýs Toloıtıstyń aldyn oraǵanymen, kelesi kezeńde Belarýstiń ókili Artem Plonısten jeńilip qaldy.

Men úshin chempıonat úshinshi aınalymda aıaqtaldy. Basynda Belarýs sportshysyn jeńip jatqanmyn. Sońǵy sekýndtarda ol esepti teńestirip, basymdyqqa ıe boldy. Jalpy daıyndyǵym jaqsy boldy. Tek jattyqtyrýshylarydń aıtqanyn sońyna deıin oryndaı almadym, — dedi Smaıyl jekpe-jekten keıingi suhbatynda.

Erteń, jazdyń alǵashqy kúni álem chempıonatynda Nurbek Ǵazez (63 kg) ben Rakonı Bımyrza (+73 kg) baq synaıdy. Jalpy bıylǵy dodaǵa 145 elden myńǵa tarta taekvondoshy jınaldy.

Bakýde ótip jatqan XXVI álem chempıonaty Halyqaralyq taekvondo federaııasynyń 50 jyldyǵymen tuspa-tus kelip tur. Aldaǵy aptada munda Parıj Olımpıadasyna qajet upaılar sarapqa salynady.

Shamken BAIYRBEK,

Foto: Mádenıet jáne sport mınıstrliginiń Sportty damytý dırekııasy

ASTANA