• Қазақ
  •   
  • Qazaq
  •   
  • قازاق
  •   
  • Рус
  •   

    سايىپقىران: دزيۋدو مەن تاەكۆوندودان جۇلدەلەر كەلە جاتىر

    ەرنۇر باتىعالي – الەم چەمپيونى!

    بولگاريانىڭ استاناسى سوفيا قالاسىندا قازاقستان قۇراماسى دزيۋدودان كادەتتەر اراسىنداعى الەم چەمپيوناتىندا العاشقى التىن مەدالىن جەڭىپ الدى.

    بۇل كوپتەن كۇتكەن التىن جۇلدەنى قۇراما كومانداعا 60 كەلىگە دەيىنگى سالماق دارەجەسىندە ەرنۇر باتىرعالي الىپ بەردى. ول فينالدا تاجىكستان قۇراماسىنىڭ وكىلى لويك كۋدبۋدينوۆتى جەڭدى.

    بۇعان دەيىن الەم چەمپيوناتىندا ارمان مىسا (50 كەلىگە دەيىن) ءۇشىنشى ورىن العان ەدى. سودان كەيىن قازاقستان قورجىنىنا تاعى ەكى جۇلدە ءتۇستى. مۇحاممەدالى جىلقايدار 66 كەلىگە دەيىنگى سالماق دارەجەسىندە كۇمىس مەدالدى يەلەندى. ول فينالىندا رەسەي سپورتشىسى راحيم حامحوەۆتەن جەڭىلىپ قالدى. وسى سالماقتا رولان قايرعالي كانادالىق انەچكا ماتيدى جەڭىپ، جەڭىس تۇعىرىنىڭ ءۇشىنشى ساتىسىنا كوتەرىلدى.

    تاەكۆوندوشى نوديرا احمەدوۆا قولا جۇلدەگەر!

    تاەكۆوندوشى نوديرا احمەدوۆا وڭتۇستىك كورەيانىڭ مۋدجۋ قالاسىندا ءوتىپ جاتقان گران-پري كەزەڭىندە قولا جۇلدەگە يە بولدى.

    ول ءتۋرنيردىڭ العاشقى كۇنى جۇلدەگەرلەر قاتارىنا قوسىلدى. سپورتشى 49 كەلىگە دەيىنگى سالماق دارەجەسىندە قولا مەدال ءۇشىن وتكەن جەكپە-جەكتە جەڭىسكە جەتتى.

    احمەدوۆا ۆەتنامدىق تحي كيم ترۋونگتان 2:0 ەسەبىمەن باسىم ءتۇستى.

     

    پىكىر جازۋ

    Your email address will not be published. Required fields are marked *

    *