ءبىر كۇندە ەكى التىن جۇلدە: دياس كەنجەبەك ازيا رەكوردىن جاڭارتتى

بۇگىن جاپونيانىڭ ناگويا قالاسىندا ءوتىپ جاتقان V ازيا پارا ويىندارىندا پارا ءجۇزۋشى دياس كەنجەبەك التىن مەدال جەڭىپ الىپ، ازيانىڭ جاڭا رەكوردىن جاڭارتتى.

ول ەرلەر اراسىندا S10 ساناتى بويىنشا 100 مەترگە شالقالاپ ءجۇزۋ سايىسىنىڭ فينالىندا 1 مينۋت 1،98 سەكۋند ناتيجەمەن مارەگە ءبىرىنشى بولىپ جەتتى. وسىلايشا ول ازيانىڭ بۇعان دەيىنگى 1 مينۋت 3،73 سەكۋندتىق رەكوردىن جاڭارتتى.

ەكىنشى ورىندى جاپونيا سپورتشىسى اكيتو مينا (1:05.13)، ال ءۇشىنشى ورىندى ونىڭ وتانداسى يۋمەتو يدو (1:07.64) يەلەندى.

بۇل – قازاقستان قۇراماسىنىڭ V ازيا پارا ويىندارىنداعى بەسىنشى التىن مەدالى.

بۇعان دەيىن ول كەشەندى جۇزۋدەن وتكەن فينالدىق جارىستا 200 مەتردى 2 مينۋت 21.61 سەكۋندتا ءجۇزىپ، كۇمىس مەدال يەلەندى.

بۇگىن قازاقستان قورجىنىنا پارا دزيۋدودان قازاقستان قۇراماسىنىڭ وكىلى بەكسۇلتان قۇلمىرزا التىن مەدالدى سىيلادى. سونىمەن بىرگە پارا دزيۋدودان دايانا فەدوسوۆا مەن عالىمجان سماعۇل ۇلى قولا جۇلدەنى جەڭىپ الدى.

داستان كەنجالين،

استانا