SportPress.kz Qazaqstan sport jańalyqtary
V Azııa Para oıyndarynyń kezekti jarys kúninde Qazaqstan ulttyq quramasynyń sportshylary para sadaq atýdan, para ústel tennısinen, para dzıýdodan, para velosporttan (shosse), para júzýden, para paýerlıftıngten, para taekvondodan, para jeńil atletıkadan, voleıboldy otyryp oınaýdan synǵa tústi.
Para dzıýdodan el quramasynyń qorjyny taǵy úsh altyn, bir kúmis jáne tórt qola medalmen tolyqty.
J2 klasynda 95 keliden asa salmaq dárejesinde Jurqamyrza Shúkirbekov Iran balýany Kheırollahzaden Varzı Mohammad Rezany jeńip, chempıon atandy.
J1 klasynda tatamıge shyqqan Aqtolqyn Seıilbekova (70+kg) de barlyq tórt qarsylasyn jeńip, altyn medal ıelendi. Sol sııaqty J2 klasynda 70 keliden asa salmaqta beldesken Zarına Raıfova da tórt qarsylasynyń barlyǵynan basym túsip, qurmet tuǵyrynyń eń bıik satysyna kóterildi. Sondaı-aq J2 klasynda 95 kelige deıingi salmaqta óner kórsetken Janbota Amanjol kúmis medal ıelense, J2 klasynda kúsh synasqan Ermek Nurqabaev (95 kg) jarystyń qola júldegeri atandy.
Erlan О́tepov J1 klasynda 95 keliden asa salmaq dárejesinde qola medal ıelendi. J1 klasy boıynsha Baǵlanbek Ońalbek (90+kg) qola medalge ıe boldy. Al J2 klasynda synǵa túsken Aıala Mereke (70 kg ) qola medal úshin ótken beldesýde Úndistan sportshysyn jeńip, jarystyń júldegeri atandy.
Para júzý Álı Turǵanbekov SB4 sanatyndaǵy fınaldyq jarysta brass ádisimen 100 metrge 1 mınýt 44.26 sekýndta júzip, ekinshi orynǵa ıe boldy. Al S10 sanatynda synǵa túsken Dıas Kenjebek 100 metrge batterflıaı ádisimen 1 mınýt 05.50 sekýndta jetip, márege úshinshi bolyp jetti. Buǵan deıin ol S10 sanaty boıynsha 100 metrge 1 mınýt 1,98 sekýndta júzip, márege birinshi bolyp jetip, Para Azıada chempıony atanyp, keshendi júzýden ótken fınaldyq jarysta 200 metrdi 2 mınýt 21.61 sekýndta júzip, kúmis júlde alǵan edi. Sóıtip, sportshy bir jarysta úsh júldeni jeńip aldy. Al Alına Dýbınına, Roman Potapov, Ámir Muratbekov, Aısultan Kúlkaev, Zarına Myrzaǵalıeva, Bekasyl Qasymbek pen Nurdáýlet Dúısenbaev kóńil kónshiterlik nátıje kórsetpedi. Olar S8, SB5, SB11, SM11 sanatynda erkin stılde jáne brass ádisimen júzýden ótken fınalda tórtinshi, besinshi jáne jetinshi oryndardy qanaǵat tutty.
Para jeńil atletıkadan erler arasynda F36 klasynda ıadrony laqtyrý saıysynda Dastan Mukashbekov ıadrony 15 metr 47 santımetrge laqtyryp, kúmis medal ıelendi. Al Ivan Zeleznıak 12.71 metr nátıjemen qola júldeger atandy.
Para sadaq atýdan Nurshat Tóleýqasym qola medal jeńip aldy.Ol erler arasyndaǵy W1 klasynda Taıland sportshysy Sýphavat Samýtchaııakıdjdi 6:2 esebimen jeńdi.
Buǵan deıin Nurshat Tóleýqasym shırek fınalda Ońtústik Koreıa sportshysyn 7:3 esebimen jeńip, jartylaı fınalda Qytaı ókiline 0:6 esebimen ese jibergen bolatyn.
Para paýerlıftıngten de otandastarymyz júlde ala almady. Áıelder arasynda 73 kelige deıingi salmaqta Raýshan Qoıshybaeva 113 keli nátıjemen tórtinshi oryn ıelendi. Al erler arasynda 88 kelige deıingi salmaqta Rahmetjan Hamaev 206 keli kóterip, besinshi orynǵa shyqty. Sondaı-aq erler arasynda 97 kelige deıingi salmaqta Ádiljan Baýtov 204 keli nátıjemen besinshi oryn aldy. Osy salmaqta el namysyn qorǵaǵan Ashat Jumanov 180 keli kórsetkishpen segizinshi orynǵa jaıǵasty. Para taevondodan K44 klasy boıynsha 80 kelige deıingi salmaqta óner kórsetken Nurlan Dombaev alǵashqy jekpe-jeginde japonııalyq Chıkara Itody jeńip, jartylaı fınalǵa joldama alǵan edi. Alaıda jartylaı fınalda koreıalyq Chjý Chonhymge 0:2 esebimen ese jiberdi.
K44 klasynda 80 keliden asa salmaqta synǵa túsken Janbolat Kazıev jubanysh jekpe-jeginde Irak ókili Shad Hoshnavqa 2:1 esebimen jol berdi. K44 klasynda synǵa túsken Aıkenje Dáýletshına (65+ kg) jubanysh jekpe-jeginde Iran ókilinen ese jiberip, jarysty aıaqtady.
Voleıboldy otyryp oınaýdan ulttyq komanda sportshylary toptyq kezeńde Iran komandasynan 0:3 esebimen jeńilip qaldy. Osyǵan deıin ulttyq komanda Taıland komandasyn jeńip, jarysty jaqsy bastaǵan edi.
Para ústel tennısinen de jaǵdaıymyz máz bolmaı tur. Bul synda erler de áıelder de qarsylastarynyń bárinen jeńildi. О́kinishke qaraı, aralas jup bolyp oınaǵannyń ózinde de Arýjan Ǵınııatova, Raýshan Orynbaeva, Balzııa Tash, Álı Maqulbekov, Balzııa Tash, Igor Hýdıakov, Ardaq Nurmaǵambetov, Aleksandra Stepanova, Azamat Orazbek pen Talǵat Erekeev birde-bir upaı jınaı alǵan joq. Qazir jarysta Gonkong, Japonııa, Qytaı, Fılıppın komandalarynyń ókilderi upaı jınap jatyr.
Bir qýanyshtysy, Altynaı Erjanqyzy men Marat Súrtibaev para ústel tennısinen aralas juptyq synda XD20 klasynda Para Azııa oıyndarynyń jartylaı fınalyna shyqty. Olar Gonkongtiń sportshylarymen oınaıdy.
Voleıboldy otyryp oınaýdan otandastarymyz jartylaı fınalda Irak quramasyn 3:2 esebimen jeńip, fınalǵa shyqty. Osyǵan ulttyq qurama Taıland komandasyn jeńip, Iran quramasyna 0:3 esebimen jeńilgen edi.
Endi Qazaqstan quramasy altyn medal úshin synǵa túsedi.
Para jeńil atletıkadan Aısulý Súleımenova 100 metrge júgirýden Azııanyń jańa rekordyn jańartty. Ol jarystarǵa eki aıaqtyń zaqymdanýyna baılanysty arnaıy júgirý protezderin paıdalanatyn sportshylarǵa arnalǵan T62 sanatynda qatysyp júr. Alaıda óz sanatynda basqa adamdar bolmaǵandyqtan, ol bir aıaqtyń zaqymdanýyna baılanysty protez paıdalanatyn sportshylar baq synaıtyn T64 sanatynyń ókilderimen birge jarysty.
Fınalda ol 100 metrdi 16,18 sekýndta júgirip, jalpy esepte besinshi orynǵa ıe boldy. Sonymen qatar, bul nátıje onyń T62 sanatynda Azııanyń jańa rekordy retinde tirkeldi.
Osylaısha, Aısulý Súleımenova birikken jarysta besinshi oryn alǵanymen, óz sanatynda qurlyqtyq rekord jasap, mańyzdy jetistikke jetti.
Qazir el quramasynda 10 altyn júlde bar. Bul medaldi para dzıýdodan Jurqamyrza Shúkirbekov, para nysana kózdeýden Erkin Ǵabbasov, para paýerlıftıngten Davıd Degtıarev, para dzıýdodan Ibragım Nurmahanuly, Beksultan Qulmyrza, Aqtolqyn Seıilbekova, Zarına Raıfova, para júzýden Dıas Kenjebek, para velosporttan Naıl Ermuhanbet pen Anastasııa Kalaýs jeńip aldy.
Jarystar áli aıaqtalmaǵanyn jáne alda birneshe jarys kúni bar ekenin eskersek, sportshylardyń júlde qorjynyn odan ári tolyqtyrýǵa múmkindigi mol.
Sońǵy kelip túsken málimetke qaraǵanda, Altynaı Erjanqyzy men Marat Súrtibaev para ústel tennısinen qola medal jeńip aldy.
Ol Marat Súrtibaevpen birge XD20 klasyndaǵy aralas juptyq synda óner kórsetip, jartylaı fınalǵa deıin jetti.
Ekeýi jartylaı fınalda Gonkong ókilderi Lam Ian Iý men Vong Hon Lammen oınady. Biraq bul oıynda qarsylastar 3:0 esebimen jeńiske jetti.
Bizdiń sportshylar V Azııa Para oıyndarynyń qola júldegeri atandy.
Osylaısha, Altynaı Erjanqyzy júlde qorjynyn taǵy bir medalmen tolyqtyrdy.
Dastan KENJALIN,
ASTANA
