Velosportshylar Para Azıada chempıony atandy

Japonııanyń Aıchı prefektýrasy men onyń ortalyǵy Nagoıa qalasynda ótip jatqan Azııa Para oıyndarynan taǵy da qýanyshty habar kelip jetti.

Qazaqstan quramasy para velosporttan taǵy eki altyn jáne eki kúmis medal jeńip aldy.

Búgin tasjoldaǵy jarysta B klasynda erler arasynda Naıl Ermuhanbet pen onyń pıloty Rýslan Álıev 65 shaqyrymdy 2 saǵat 1 mınýt 21 sekýndta júrip, márege birinshi bolyp jetti. Olardan keıin Kırıll Ilıýkevıch pen pıloty Gleb Brýssenskıı márege 2 saǵat 11 mınýt 42 sekýndta ekinshi bolyp kelip, kúmis júldeni ıelendi.

Áıelder arasynda Anastasııa Kalaýs pen pıloty Polına Bratchıkova 55 shaqyrymdy 2 saǵat 5 mınýt 47 sekýndta júrip, altyn medal jeńip aldy. Juldyz Qaınarova men onyń pıloty Anjella Soloveva 2 saǵat 9 mınýt 43 sekýnd nátıjemen kúmis medalıst atandy.

Azııa Para oıyndarynda dzıýdoshylar, júzýshiler men jeńil atletıkadan synǵa túsip jatqan otandastarymyz da júlde alýdan qalyspaı keledi.

Dastan KENJALIN,

ASTANA