Aýyl adamdary aýylynda otyrý úshin ne isteý kerek?!

Bul endi aýdan,oblys ákimdikterine ótinish;

…Eń áýeli, aýyl adamdarynyń azyq-túlikpen qamtamasyz etilgenin jiti ári jıi baqylap otyrý kerek! Kóp aýylda burynǵydaı azyq-túlik dúkenderi de tapshy. Ári,búginde ortalyq saýda degen joq,bári menshik ıeleriniń qolynda. Iaǵnı, ákimdikter olarmen kelisimge otyryp, aptasyna bir ret kólik-kerýen saýda toptaryn jiberip otyrýy kerek. Bul baıaǵy bizdiń zamanymyzdaǵy AVTOLAVKALAR sekildi bolady. Oǵan kólik te,baratyn ujymdar da tabylady, eń bastysy uıymdastyrý!

Eń úlken máseleniń biri – jumyssyzdyqqa baılanysty aýyl adamdarynyń kóbisi ózderinde bar aýyl sharýashylyǵy,úı sharýashylyǵy ónimderin kúndelikti qalaǵa ákelip satyp,soǵan qant-shaı,un-kespe alyp ketetindigi aqıqat. Ol qalaǵa jaqyn aýyldar ǵana emes! Mysaly qaladan 200 shaqyrymdaı jerdegi bizdiń aýyl turǵyndary Balqash kólinen balyq aýlap, kún saıyn sony Úshtóbege ıákelip satady! Bireýler et, bireýler sút, bireýler jumyrtqa, maı, aıran, qymyz, qurt-irimshik ákelip, kún kóretinder de az emes. Iaǵnı ony toqtatý úshin aýyldarǵa baıaǵy jún alatyn,teri alatyn,maı alatyn qyzmetter sekildi aýyl turǵyndarynyń ónimin aýylynan qabyldap alatyn kireler uıymdastyrý kerek!!! Bul da ońaı emes. Biraq basqa mynadaı aýyr kún túsip jatqanda aýyrlyqtan qashsaq qaterge urynbaımyz ba?!

Taǵy bir ózekti másele – janar-jaǵar maı máselesi! Búginde aýyldaǵy turǵyndardyń quryǵanda bir-bir kóligi bar. Eki-úsheý de kezdesedi. Al aýyldardyń kóbisinde,eger kúre joldyń boıynda bolmasa,maı quıý beketteri joq! Mysaly bizdiń aýyl 200 shaqyrym jerdegi Úshtóbeden quıady maıdy! Men qaıta-qaıta óz aýylymdy aıtqanda, bilgen soń mysal úshin ǵana aıtyp jatyrmyn. Olaı bolsa aýyldarǵa aptasyna bir ret maı quıý qyzmetin jiberip turý kerek! Sol kezde bóshkesine,shelegine,etegine toltyryp alady. Aýyldarda aqsha alatyn termınaldar joq! Kóp aýyl turǵyny aqshany qaladan kelip alady. Baıaǵydaǵydaı pochta qyzmeti de el aılyǵyn bere almaıdy. Tólem kartasyn túske aqsha sonda qalady. Iaǵnı, bul máseleni de aqyldy bastar oılanyp baryp,sheshkeni durys. Osylardyń bári aýyl adamdaryn qalaǵa aıdaıdy! Eń mańyzdy máseleniń biregeıi – aýyl-aýylǵa dári-dármek, medıınalyq qural-jabdyq, saqtyq sharalaryna arnalǵan dúnıeler jibere berý. Erteń, álgi pále belgi berse emes, búgin-aq, aı men kúnniń amanynda!!! Múmkin aýyl-aýylǵa bir-bir bilikti dáriger bólip,osy bir kezeń ótkenshe jibere turý kerek bola ma?! Ol jandar unasa keıin sol aýyldarda qalyp ta qalady! Kezinde bizdiń aýylǵa osyndaı bastamamen kelgen 5-10 jas áıel muǵalimder,birneshe medbıke,dárigerler sol aýylǵa kelin bolyp qalyp,búginde jarty aýyldyń bala-shaǵasyn órgizip otyr!

OILANAIYQ, AǴAIYN, TOLǴANAIQ, DOSTAR! Osyny qoly uzyn, múmkindigi bar qyz-jigitter tıisti adamdarǵa, mekeme-uıymdarǵa jetkizip, EL BESIGI – A Ý Y L D A R Y M YZ D Y qaýipke ushyratpaı saqtaı bileıik!!!

 Nesip JÚNISBAIULY, jýrnalıst-jazýshy, sport qaıratkeri,

Qazaqstan Respýblıkasynyń eńbek sińirgen qaıratkeri.