SportPress.kz Qazaqstan sport jańalyqtary
Ulttyq Olımpıada Komıtetiniń basshysy Tımýr Qulybaev tyl ardagerleri men otandyq sporttyń ańyzdaryn merekemen quttyqtady.
Ataqty boksshy, Qazaqstandaǵy kóptegen sporttyń damýyna úles qosqan ardager Vıktor Semenovıch Sadchıkov, KSRO-ǵa tanymal jeńil atlet, 1956 jylǵy Melberýn Olımpıadasynyń qatysýshysy Evgenıı Semenovıch Kadıaıkın jáne KSRO-ǵa eńbegi sińgen sport sheberi, konkı sportynan elimizdegi tuńǵysh sport sheberi Maıa Hvandarǵa Ulttyq Olımpıada Komıtetiniń prezıdenti 1945 jylǵy jeńiske qosqan úlesi úshin alǵys aıtyp, merekemen quttyqtady.
«Uly jeńis kúni qarsańynda beıbitshilik pen tynyshtyqtyń ornaýyna, elimizdi azat etýge qosqań úlesterińizge alǵys aıtamyz. Sizderdiń erlikterińiz bolashaq urpaq jadynda máńgi saqtalady. Búgingi ashyq aspan men jarqyn ómirimiz úshin sizderge máńgi qaryzdarmyz», — delingen quttyqtaýda.
Jıyn barysynda Ulttyq Olımpıada Komıteti atynan ardagerlerge quttyqtaý haty men aqshalaý syılyq tabys etildi.
