Shyǵys Qazaqstanda jarys jolyna 34 komanda shyqty

Shyǵys Qazaqstan oblysy dene shynyqtyrý jáne sport basqarmasynyń qoldaýymen, Semeı sport akademııasynyń uıymdastyrýymen 9 mamyr – Jeńis kúnine arnalyp 2002 – 2003, 2004 – 2005, 2006 – 2008 jyly týǵan qyzdar arasynda voleıboldan oblystyq ashyq týrnır bastaldy. Bul týraly Semeı sport akademııasynyń baspasóz qyzmeti habarlady.

Týrnırde bas-aıaǵy 34 komanda baq synasyp jatyr. Naqtyraq aıtsaq, 2002 – 2003 jyly týǵandar arasynda 7, 2004 – 2005 jyly týǵandar arasynda 13, 2006 – 2008 jyly týǵandar arasynda 14 komanda ózara myqtylardy anyqtaýda. Nur-Sultan qalasy 2, О́skemen qalasy 6, Semeı qalasy 5, Aıagóz aýdany 3, Abaı, Besqaraǵaı, Jarma, Úrjar aýdandary 2, Shemonaıha men Rıdderdiń jáne Semeı sport akademııasynyń bir komandasy jeńiske jetýdiń jolyn izdeýde. Komanda kóp bolǵandyqtan jarys alty kúnge jalǵasady dep kútilýde.

Jarystyń ashylý saltanatynda Semeı qalasy dene shynyqtyrý jáne sport bóliminiń basshysy Murat Qurjyqaev, «Semeı» voleıbol klýbynyń negizin qalaýshy, Shyǵys Qazaqstan oblystyq máslıhatynyń depýtaty Nurlan Omarov sóz sóılese, sport janashyrlary Shaǵan Jumaqsanov, Ásetqan Dosqojanov qurmetti qonaqtar qatarynda boldy.

–Shyǵys Qazaqstan oblysynda sporttyń barlyq túrleri damýda. Onyń ishinde voleıbol da bar. Oblys ákimi Danıal Ahmetov sporttyń osy túriniń damýyna barynsha qoldaý kórsetip keledi. О́skemende voleıboldan respýblıkalyq, halyqaralyq jarystar jıi ótedi. «Altaı» voleıbol klýby óziniń kásibı sheberligin kórsetýde. Byltyr Semeı qalasyna barǵanda Danıal Kenjetaıuly sport akademııasyna kelip, «Altaı – 4» komandasynyń voleıbolshy qyzdarymen júzdesip, daıyndyqtaryna jaqsy baǵa berdi. Osy jarysqa qatysyp jatqan jasóspirim qyzdardan akademııanyń voleıbol bólimine irikteý júrgizemiz, – deıdi Semeı sport akademııasynyń dırektory Mereıǵaly Qoıshybekuly.