• Қазақ
  •   
  • Qazaq
  •   
  • قازاق
  •   
  • Рус
  •   

    كريشتيانۋ رونالدۋ «رەالدان» كەتەدى مە؟

    سوڭعى اپتادا مادريدتىك «رەالدىڭ» ويىنشىسى كريشتيانۋ رونالدۋ كوماندا اۋىستىراتىنى جايلى سىبىس كوبەيىپ كەتتى. پورتۋگاليالىق فۋتبولشى شىن مانىندە يسپانيادان كەتەدى مە؟

    Marca باسىلىمىنىڭ اقپاراتى بويىنشا كريشتيانۋ رونالدۋدى بۇل ىسكە يتەرمەلەگەن – سالىق ماسەلەسى. ياعني، 7-ءنومىرلى ويىنشىعا سالىق تولەۋدەن جالتاردى دەگەن ايىپ تاعىلىپ وتىر. ال وسى تۇرعىدا فلورەنتينا پەرەس باستاعان كلۋب باسشىلىعى ونى لايىقتى دەڭگەيدە قورعاماي وتىرعانى رونالدۋدىڭ كوڭىلىنە كەلگەن سەكىلدى.

    بريتانيالىق Independent باسىلىمىنىڭ مالىمەتىنە سايكەس، رونالدۋ ۇلتتىق قۇراماداعى ارىپتەستەرىنە دە، «رەال» باسشىلىعىنا دا «سانتياگو بەرنابەۋگە» قايتىپ ورالمايتىنىن ايتىپتى. مادريدتىك ۇجىم ونىڭ ترانسفەرلىك قۇنىن 400 ملن ەۋروعا باعالاپ وتىر. پورتۋگاليالىق ويىنشى شىن مانىندە مادريدتەن كەتەر بولسا، «پاري سەن جەرمەن» مەن «مانچەستەر يۋنايتەد» كلۋبتارى ونى ساتىپ الۋعا نيەتتى.

    دەگەنمەن، كلۋب باسشىلىعى كونفەدەراتسيا كۋبوگى كەزىندە بۇل رايىنان قايتادى دەپ ۇمىتتەنىپ وتىر. اگەنتى جورجە مەندەش «رەال» باسشىلىعىنا انگليا، فرانتسيا، قىتاي ەلدەرىنىڭ كوماندالارى قىزىعۋشىلىق تانىتىپ وتىرعانىن جەتكىزدى.

    ال Tuttosport مالىمەتى بويىنشا «مانچەستەر يۋنايتەد» كريشتيانۋ رونالدۋ مەن الۆارو موراتا ءۇشىن نەگىزگى قاقپاشىسى داۆيد دە حەا مەن 210 ملن ەۋرو ۇسىنۋعا دايىن. ال لوندوندىق «چەلسي» رەكوردتى دەڭگەيدە قارجى جۇمساماي، ونى باستى جۇلدىزى ەدەن ازارمەن الماستىرعىسى كەلەدى.

    ايتا كەتەيىك، يسپانيا پروكۋراتۋراسى ونىڭ 2011-2014 جىلدارى 150 ملن ەۋرو كولەمىندە تابىسىنان 14،7 ملن ەۋرو سالىق تولەمەدى دەپ ايىپ تاعىپ وتىر. بۇل ايىپتاۋ راستالعان جاعدايدا، ويىنشىعا 28 ملن ەۋرو ايىپپۇل سالىنىپ، جەتى جىلعا باس بوستاندىعىنان ايىرۋ جازاسى كەسىلەدى.

    پىكىر جازۋ

    Your email address will not be published. Required fields are marked *

    *