Jaqsy keldi degenshe — jaryq keldi deseńshi

El sportynyń eńsesin kóterý úshin aýyl-aımaqtaǵy sportty damytý kerek ekenin keıbir oblystar isimen dáleldep keledi. Aıtalyq, jer janaty Jetisý jerinde aýyl sportyna aıyryqsha kóńil bólinýde. Oǵan sebep, qaıbir mamandyq bolsyn óz salasynyń mamany bolǵan jaǵdaıda ǵana sol salanyń óresi keńeıip, isi ońǵa basa bastaıdy.

Maman bolý bir tóbe, eger óziniń súıikti mamandyǵyna súıispenshilkpen qarap, belsene jumys istese nur ústine nur bola túseri haq. Bizdiń aıtqaly otyrǵanymyz, Almaty oblysy sportynyń damýy men súıikti salasyna janashyrlyqpen qaraıtyn bilikti maman týraly bolyp otyr. Mysaly, «Jaqsy keldi degenshe – jaryq keldi deseńshi», – degendeı, grek-rım kúresinen Olımpıada oıyndarynyń kúmis júldegeri Nurbaqyt Teńizbaev Almaty oblysy deneshynyqtyrý jáne sport basqarmasynyń basshylyǵyna kelgeli beri óńir sporty erekshi qarqyn alyp, jer-jerde sport mektepteri ashylyp, keshendi sport nysandary salyna bastady. Sonymen qatar, jastardyń sportqa degen qulshynysy ásirese aýyl-aımaqtarda aıyryqsha. Árıne, sporttyq ınfraqurylymdardyń jańa zaman aǵymyna saı boı kótrip, sport zaldar jasóspirimderge tolyǵa bastaýy kóńildi qýantpaı qoımaıdy. О́ıtkeni, sport pen dansaýylyqqa kóńil bólgen qoǵamda jaman ádet pen áreketterge oryn bolmasy anyq. Sondyqtan da bilikti de bilger, jasta bolsa bas bolyp, óńir sportyn basqaryp otyrǵan Nurbaqyt Teńizbaevtyń aımaqtaǵy sportty damytý men qatar úlken sporttaǵy daryndy jastarǵa jaǵdaı týǵyzý maqsatyndaǵy árbir ıgilikti qadamy jemisin berip keledi.

Jetisý jeriniń oı-qyrynda ótken árbir jodaly jarysty nazardan tys qaldyrmaıtyn bilikti maman jas balýandardyń qanatyn qamdap bıikke ushýyna qoldan kelgenshe qamqorlyǵyn aıamaýda. Sonymen qatar, Nurbaqyt Teńizbaev talantty jastardyń kóptep ósip kele jatqanyna qýana aıtady. «Talapty bala – talpynǵan qustaı, qumary qanbas aspanǵa ushpaı», demekshi, talantty balalardyń arasynan bolashaqty Olımpıada asýyn baǵyndyratyn balýandar shyǵatynyna oblys sportynyń basshysy nyq senimdi. Árıne, «Uldy uıasynda baýla» degendeı, daryndy jastardy kóre bilý olardy kóp aldyna shyńdap alyp shyǵý bapkeri úshin úlken syn. Sondyqtan da jattyqtyrýshylardyń da talanttardy tanı bilip, talmaı jattyqtyrý úshin jaǵdaılary ońdy bolǵany mańyzdy. Al, ózi sporttyń qara qazanynda qaınap,sport zalda shúmektep ter tógip armany maqsatyna jete bilgen Nurbaqyt sekildi óńir sportyn basqaratyn basshy ol jaǵyn jaqsy biledi. Sondyqtan da bapkerlerge degen qoldaý-qamqorlyqty erekshe nazarǵa alǵan. Jasópirimderge alaman jarystarda seskenbeı dodaǵa túsý úshin sheberlik pen qosa júrektilik te kerek. Al, jıi-jıi ótken jarystar jasa balýandardyń qaıratyn shyńdap, qorqynyshyn joıady. Bul degenimiz, jastarǵa dúbirli óter jarystardyń aýdaı qajet ekendigin bildiredi. Balý ósý úshin, úlken saıystarǵa úzbeı aparyp baǵyn synatý kerek. Sonda ǵana jas balýan tóselip, shyńaıa túsedi. Mine, sondyqtan da Almaty oblystyq sport basqarmasy dúbirli jekpe-jekterdi uıymdasyrýǵa uıytqy bolyp, zor kóńil bóle bastaǵan. Al, endi Taldyqorǵanda dzıýdo, grek-rım, erkin kúres túrlerinen dúbirletip ótip jatqan jarystar aıtylǵan sózimizdiń aıǵaqtary dese bolady. Endi sol básekelerde jeńis bıikterinen kóringen altyn júldeli jasópirim ul-qyzdar el chempıonatynda oblystyń namysyn qorǵaıtyn bolady. El sportynyń damýy aýyl sportyna tikeleı baılanysty ekendigine bek senimdemiz.

Aqyn ORDABAIULY,

ALMATY