پاۆلوداردا وليمپيادانىڭ جۇلدەگەرىنە پاتەر بەرىلدى

پاۆلودار وبلىسىنىڭ اكىمى ابىلقايىر سقاقوۆ 2012 جىلى لوندوندا وتكەن وليمپيادانىڭ جۇلدەگەرى، ەركىن كۇرەس بالۋانى داۋلەت شابانبايعا پاتەر كىلتىن تابىس ەتتى.

داۋلەت شابانباي – ازيا چەمپيوناتىنىڭ ءتورت دۇركىن (2008، 2009، 2011، 2014) قولا جۇلدەگەرى، ازيا ويىندارىنىڭ كۇمىس مەداليسى. بيىل ول قىركۇيەك ايىندا دوپينگكە قارسى تەكسەرىستەر بولىپ، گرۋزيا مەن وزبەكستان سپورتشىلارىنىڭ ناتيجەلەرى ەسەپكە الىنباعانىنان كەيىن وليمپيادانىڭ قولا جۇلدەگەرى اتاندى. ال قازىر ول جاتتىقتىرۋشى بولۋدى ماقسات ەتىپ وتىر.

مەن جاستارعا تاجىريبەمدى بەرىپ، ەڭبەكسۇيگىشتىككە ۇيرەتكىم كەلەدى. ەڭبەك ءبارىن دە جەڭبەك. قازاقستان سپورتىنىڭ تۋى بيىكتە جەلبىرەي بەرسىن! – دەدى داۋلەت شابانباي.

كەزدەسۋدە وبلىس باسشىسى وليمپيادا جۇلدەگەرىنىڭ سپورتتى دامىتۋداعى ەڭبەگىن باعالاپ، پاۆلودارداعى ءبىر بولمەلى پاتەردىڭ كىلتىن تابىس ەتتى.

داستان كەنجالين،

استانا