Pavlodarda Olımpıadanyń júldegerine páter berildi

Pavlodar oblysynyń ákimi Ábilqaıyr Sqaqov 2012 jyly Londonda ótken Olımpıadanyń júldegeri, erkin kúres balýany Dáýlet Shabanbaıǵa páter kiltin tabys etti.

Dáýlet Shabanbaı – Azııa chempıonatynyń tórt dúrkin (2008, 2009, 2011, 2014) qola júldegeri, Azııa oıyndarynyń kúmis medalısi. Bıyl ol qyrkúıek aıynda dopıngke qarsy tekserister bolyp, Grýzııa men О́zbekstan sportshylarynyń nátıjeleri esepke alynbaǵanynan keıin Olımpıadanyń qola júldegeri atandy. Al qazir ol jattyqtyrýshy bolýdy maqsat etip otyr.

Men jastarǵa tájirıbemdi berip, eńbeksúıgishtikke úıretkim keledi. Eńbek bárin de jeńbek. Qazaqstan sportynyń týy bıikte jelbireı bersin! – dedi Dáýlet Shabanbaı.

Kezdesýde oblys basshysy Olımpıada júldegeriniń sportty damytýdaǵy eńbegin baǵalap, Pavlodardaǵy bir bólmeli páterdiń kiltin tabys etti.

Dastan KENJALIN,

ASTANA