قازاقستان كوركەم جۇزۋدەن ەكىنشى رەت جۇلدەگەر اتاندى

كوركەم جۇزۋدەن قازاقستان قۇراماسىنىڭ سپورتشىلارى ەدۋارد كيم مەن نارگيزا بولاتوۆا فرانتسيانىڭ پاريج قالاسىندا ءوتىپ جاتقان الەم كۋبوگىنىڭ يەگەرى اتانىپ، قولا جۇلدەنى دە جەڭىپ الدى.

قازاقستان دۋەتى تەحنيكالىق باعدارلامادا 216.3250 بالل الدى.

ودان كەيىنگى ساتىعا يتاليا قۇراماسى (فيليپپو پەلاتي مەن سارا ماريا ريزەا) 207.5367 ۇپايمەن، يسپانيا كومانداسى (جوردي كاسيرەس يگلەسياس مەن جۋديز كالۆو رەكۆەنا) 198.8417 ۇپايمەن ورنالاستى.

ەلىمىزدىڭ تاعى ءبىر جۇبى ارتۋر مايدانوۆ پەن ۆالەريا ستولبۋنوۆا (185.7367 ۇپاي) بەسىنشى ورىندى قاناعات تۇتتى.

وسىدان كەيىن ەدۋارد كيم مەن نارگيزا بولاتوۆا كوماندالىق سىنداعى ەركىن باعدارلامادا ءۇشىنشى ورىننان كورىندى.

قازاقستان قۇراماسى 253.6353 ۇپايمەن السا، جاپونيا 323.3207 ۇپايمەن التىن مەدالدى، كانادا 297.5853 ۇپايمەن كۇمىس جۇلدەنى يەلەندى.

ەسكە سالا كەتسەك، ءبىر اي بۇرىن قىتايدا وتكەن الەم كۋبوگىنىڭ كەزەڭىندە ەدۋارد كيم مەن نارگيزا بولاتوۆا كۇمىس مەدالدى جەڭىپ العان بولاتىن.

داستان كەنجالين،

استانا