Qazaqstan kórkem júzýden ekinshi ret júldeger atandy

Kórkem júzýden Qazaqstan quramasynyń sportshylary Edýard Kım men Nargıza Bolatova Franııanyń Parıj qalasynda ótip jatqan Álem kýbogynyń ıegeri atanyp, qola júldeni de jeńip aldy.

Qazaqstan dýeti tehnıkalyq baǵdarlamada 216.3250 ball aldy.

Odan keıingi satyǵa Italııa quramasy (Fılıppo Pelatı men Sara Marııa Rızea) 207.5367 upaımen, Ispanııa komandasy (Jordı Kasıres Iglesıas men Jýdız Kalvo Rekvena) 198.8417 upaımen ornalasty.

Elimizdiń taǵy bir juby Artýr Maıdanov pen Valerııa Stolbýnova (185.7367 upaı) besinshi oryndy qanaǵat tutty.

Osydan keıin Edýard Kım men Nargıza Bolatova komandalyq syndaǵy erkin baǵdarlamada úshinshi orynnan kórindi.

Qazaqstan quramasy 253.6353 upaımen alsa, Japonııa 323.3207 upaımen altyn medaldi, Kanada 297.5853 upaımen kúmis juldeni ıelendi.

Eske sala ketsek, bir aı buryn Qytaıda ótken Álem kýbogynyń kezeńinde Edýard Kım men Nargıza Bolatova kúmis medaldi jeńip alǵan bolatyn.

Dastan KENJALIN,

ASTANA