EURO-2025: قازاقستان قۇرامالارىنىڭ قارسىلاستارى انىقتالدى

شۆەيتساريانىڭ نون قالاسىندا فۋتبولدان 17 جانە 19 جاسقا دەيىنگى جاسوسپىرىمدەر قۇراما كوماندالارى اراسىنداعى ەۋروپا چەمپيوناتى ىرىكتەۋ كەزەڭىنىڭ جەرەبەسى تارتىلدى.

17 جانە 19 جاسقا دەيىنگى قازاقستان جاسوسپىرىمدەر قۇراما كوماندالارىنىڭ 2025 جىلعى ەۋروپا چەمپيوناتىنا ىرىكتەۋ كەزەڭىندەگى قارسىلاستارى بەلگىلى بولدى.

U-17 قۇراماسى ءتورتىنشى توپتا بەلگيا، ۋكراينا، كوسوۆومەن وينايدى. بۇل كوماندانى باۋىرجان ساعىندىق جاتتىقتىرادى.

ال U-17 كومانداسى ءبىرىنشى توپتا جاتتىقتىرۋشى الەكساندر كۋزنەتسوۆتىڭ جەتەكشىلىگىمەن ۋكراينا، نيدەرلاند جانە سلوۆەنيا قۇرامالارىمەن كۇش سىناسادى.

ىرىكتەۋ ويىندارى شاعىن تۋرنير پىشىنىندە ءبىر مەملەكەتتە بولادى. بۇگىن قاي قۇرامانىڭ شاعىن ءتۋرنيردىڭ يەسى بولاتىنى انىقتالادى.

تۋرنير ەرەجەسى بويىنشا، ىرىكتەۋ كەزەڭى 1 جانە 2 راۋندتان تۇرادى. العاشقى كەزەڭدە 14 توپتا ۇزدىك بولعان 28 كوماندا ا ليگاسىنا جولداما السا، قالعان ۇجىمدار ۆ ليگاسىندا وينايدى. ەكىنشى راۋندتا 28 كوماندا ءتورت-تورتتەن 7 توپقا بولىنەدى. ءار توپتان ۇزدىك شىققان كوماندالار مەن جارىستى قابىلدايتىن قۇراما ەۋروپا چەمپيوناتىنا جولداما الادى.

داستان كەنجالين،

استانا