SportPress.kz قازاقستان سپورت جاڭالىقتارى
مادەنيەت جانە سپورت مينيسترلىگى دزيۋدوشىلارعا الماتىداعى وقۋ-جاتتىعۋ جيىنىندا 200 كيمونو تابىس ەتتى. بۇل تۋرالى ۆەدومستۆونىڭ سپورتتى دامىتۋ ديرەكتسياسىنىڭ ءباسپاسوز قىزمەتى حابارلادى.
كۇرەسكە ارنالعان كيىم تانىمال جاپونيانىڭ Mizuno كومپانياسىنىڭ ءونىمى.
جالپى، الماتى وبلىسىنداعى «جاڭاشار» وليمپيادالىق دايارلاۋ ورتالىعىنا بارلىعى 130-دان استام تاتامي شەبەرى جينالدى. فرانتسيادان كەلگەن الەمدىك دزيۋدو شەبەرى، ءۇش دۇركىن وليمپيادا چەمپيونى، 11 دۇركىن الەم چەمپيونى جانە 5 دۇركىن ەۋروپا چەمپيونى تەددي رينەردىڭ جيىنعا قاتىسۋى كوپشىلىكتى ءتانتى ەتتى. بۇل جاتتىعۋ فرانتسيا دزيۋدو فەدەراتسياسىمەن بىرىگىپ وتكىزىلدى.
مادەنيەت جانە سپورت مينيسترلىگى مەن فەدەراتسيانىڭ پرەزيدەنتى قۋانىشبەك ەسەكەەۆتىڭ اتىنان دزيۋدونى قولداعانى ءۇشىن مەملەكەتكە العىس ايتقىم كەلەدى. بىزگە بەرگەن 100 جاڭا كيمونو ۇلتتىق قۇراما سپورتشىلارىنىڭ كادەسىنە جارايتىنى ءسوزسىز. وسى ءساتتى پايدالانىپ، ءبىزدىڭ قۇرمەتتى قوناعىمىز تەددي رينەرگە العىس ايتقىم كەلەدى. مۇندا ۇلتتىق قۇراما دزيۋدوشىلارىنان بولەك، جاستار دا بار. اتى اڭىزعا اينالعان سپورتشىمەن وسىلاي ءبىر زالدا جاتتىعۋ ولار ءۇشىن پايدالى بولارىنا سەنەمىن، — دەدى قازاقستان دزيۋدو فەدەراتسياسىنىڭ باس حاتشىسى اسحات جىتكەەۆ.
فرانتسيانىڭ اتاقتى سپورتشىسى دا ەلىمىزگە كەلىپ، وقۋ-جاتتىعۋ جيىنىنا قاتىسقانىنا ريزاشىلىعىن ءبلدىردى.
قازاقستانعا شاقىرعاندارىڭىز ءۇشىن راقمەت. شىنى كەرەك، مۇندا مەن ءۇشىن اۋىر سالماقتا كوپتەگەن سپاررينگ-سەرىكتەس جينالعانىنا تاڭعالىپ تۇرمىن. ءبارى كۇشتى، ءارى تەحنيكاسى مىقتى. بالۋانداردىڭ كەڭەسشىلەرى دە مىقتى ەكەن. ەگەر قازاقستان دزيۋدوشىلاىر ءدال وسىلاي تاباندى جاتتىعاتىن بولسا، پاريج وليمپياداسىندا مەدال جەڭىپ الاتىنى انىق- دەدى تەددي رينەر.
جاتتىعۋ جيىنى قازاقستان ەرلەر قۇراماسىنىڭ باس باپكەرى نۇربول سۇلەيمەنوۆ، ايەلدەر قۇراماسىنىڭ باس جاتتىقتىرۋشىسى ەرلان الپىسباەۆ، فرانتسيالىق جاتتىقتىرۋشى-كەڭەسشىلەر كساۆە موندەنكس مەن ستەفان تراينو جەتەكشىلىگىمەن بولىپ جاتىر. جيىن 22 قاڭتارعا دەيىن جالعاسادى.
شامكەن بايىربەك،
استانا
