ۋنيۆەرسيادا: قازاقستاننىڭ قورجىنى ءبىر التىن، ءبىر قولا مەدالمەن تولىقتى

بياتلونشى بەكەنتاي تۇرلىبەكوۆ اقش-تا ءوتىپ جاتقان قىسقى ۋنيۆەرسيادادا 10 شاقىرىمعا سپرينت جارىسىندا چەمپيون اتاندى.

جارىس بارىسىندا ول ەكى اتىس سىزىعىندا بىردە-ءبىر وقتى بوس جىبەرگەن جوق. ناتيجە كورسەتكەن ۋاقىتى – 27:51،5. وسىلايشا بياتلونشى ەل قۇراماسىنا ءۇشىنشى التىندى سالدى.

اتالعان جارىستا ەكىنشى ورىن بورن ۋەستەرۆەلتكە بۇيىرسا، ءۇشىنشى ورىنعا تاعى ءبىر وتانداسىمىز الەكساندر مۋحين يە بولدى. ناتيجەسىندە ۋنيۆەرسيادادا ەل قۇراماسى 1 التىن، 1 قولا مەدال الدى.

بۇعان دەيىن بياتلونشى ۆاديم كۋرالەس پەن شاڭعىمەن سەكىرۋ سپورتىنان دانيل ۆاسيلەۆ چەمپيون اتانعان بولاتىن.

وسىلايشا، مەدالدار كەستەسىندە قازاقستاندىق سپورتشىلار 3 التىن، 1 قولا جۇلدەمەن 3-ورىنعا كوتەرىلدى. الدا جاپونيا جانە فينليانديا قۇرامالارى كەلەدى.

دينارا قاليەۆا،

استانا