جاتتىقتىرۋشىلارعا جاڭا مىندەت جۇكتەلدى

استانادا قازاقستان كۇرەس فەدەراتسياسىنىڭ كەزەكتى وتىرىسى ءوتتى. وعان فەدەراتسيانىڭ ۆيتسە-پرەزيدەنتى دانيار ابۋلگازين، گرەك-ريم كۇرەسى بويىنشا ۆيتسە-پرەزيدەنت داۋلەت تۇرلىقانوۆ، حالىقارالىق قاتىناستار جانە قوعاممەن بايلانىس جونىندەگى ۆيتسە-پرەزيدەنت ساكەن مۇسايبەكوۆ، تورەشىلەر كورپۋسى مەن جاتتىقتىرۋشىلار كەڭەسى جونىندەگى ۆيتسە-پرەزيدەنت ەرلان قوجاسباي قاتىستى.

جيىندا گرەك-ريم، ەركىن جانە ايەلدەر كۇرەسىنەن ۇلتتىق قۇراما كوماندانىڭ ەسەبى تىڭدالدى. جاتتىقتىرۋشىلار پاريجدە وتكەن الەم چەمپيوناتىنىڭ قورىتىندىسى تۋرالى ەسەپ بەردى.

وتىرىستا باپكەرلەرگە كۇرەستى دامىتۋ، جاتتىقتىرۋشىلاردىڭ جۇمىسىن ودان ءارى جاقسارتۋ مىندەتى جۇكتەلدى.

سونداي-اق، وتىرىستا ەلدەگى قالا، اۋدانداردا كۇرەس زالىن اشىپ، ولاردى كىلەممەن قامتاسىز ەتۋ تۋرالى شەشىم قابىلداندى. ال تورەشىلەر جۇمىسىن جاقسارتۋ ءۇشىن ولارعا ترەنينگ، سەمينارلار وتكىزۋ تۋرالى ايتىلدى.

كۇرەستەن قازاقستان قۇراماسى الداعى ۋاقىتتا ءتۇرلى حالىقارالىق جارىستارعا قاتىسادى. سونىڭ ءبىرى — 17 قىركۇيەكتە اشعابادتا باستالاتىن جابىق الاڭداعى ازيا ويىندارى. ال كەلەر جىلعى باستى دودا يندونەزيادا وتەتىن ازيا ويىندارى بولماق.

رۋسلان مەدەلبەك