Bir matchta – 5 gol: «Manchester Sıtıdiń» shabýylshysy jańa rekord jasady

«Manchester Sıtı» klýbynyń shabýylshysy Erlıng Holland Chempıondar lıgasynda jańa rekord jasady.

Búgintúnde fýtboldan Chempıondar lıgasy 1/8 fınalynda qarsylas komandalardyń ekinshi matchtary ótken bolatyn. «Manchester Sıtıdiń» óz alańynda «Leıpıg» klýbymen kezdesip, 7:0 esebimen jeńiske jetti.

Osy oıynda Erlıng Holland 5 gol soqty. Bul norvegııalyq surmergenniń týrnır tarıhynda 25 matchtaǵy 30-doby bolyp tirkelip otyr.

Oǵan deıingi rekord Rýd Van Nıstelroıǵa tıesili edi. Nıderland shabýylshysy Chempıondar lıgasyndaǵy 30 golyn 34 matchta soqqan.

Sonymen qatar, Erlıng Holland 30 gol soqqan eń jas oıynshy atandy. Buǵan deıingi rekordqa «PSJ» shabýylshysy Kıllıan Mbappe qol jetkizgen edi.

Erkeǵalı BEISENOV,

ASTANA