اتىراۋدا ءداستۇرلى ساداق اتۋدان «التىن وردا» حالىقارالىق ءتۋرنيرى اياقتالدى

اتىراۋ قالاسىندا 27-28 ءساۋىر كۇندەرى اتىراۋ وبلىسى اكىمدىگىنىڭ قولداۋىمەن العاش رەت وتكەن ءداستۇرلى ساداق اتۋدان «ALTYN ORDA» حالىقارالىق ءتۋرنيرى قورىتىندىلاندى، دەپ حابارلادى Halyq Uni تىلشىسى.

تۋرنيردە ساداقشىلار 30 مەتردەن 70 مەترگە دەيىنگى قاشىقتىققا ارنالعان پۋتا، ورتا ازيا، جامبى نىسانا تۇرلەرى بويىنشا مەرگەندىك شەبەرلىكتەرىن سىناستى.

اتىراۋ وبلىسى اكىمىنىڭ ورىنباسارى جاسۇلان بيسەمبيەۆ پەن ۇلتتىق سپورت قاۋىمداستىعىنىڭ ۆيتسە-پرەزيدەنتى-باس حاتشىسى تاستانبەك ەسەنتاەۆ اتالعان شاراعا ارنايى قاتىسىپ، جەڭىمپازداردى ماراپاتتادى.

11 مەملەكەتتىڭ باسىن قوسىپ، سايىستا كەرەمەت ونەر كورسەتكەن ساداقشىلار مەن مەيماندار، اتىراۋ وڭىرىنە قوش كەلدىڭىزدەر! تاريحي ءداستۇردىڭ جاندانۋىنا بىردەن-ءبىر سەپتىگىن تيگىزىپ جاتقان ساداق اتۋدان «التىن وردا» حالىقارالىق ءتۋرنيرىنىڭ ءبىزدىڭ وڭىرىندە ءوتىپ جاتقانىن ماقتانىشپەن ايتا الامىز. وسى ورايدا، سايىستىڭ وتۋىنە ۇيىتقى بولعان «Batu Han zhebesi» اتىراۋ وبلىستىق فەدەراتسياسىنىڭ باسشىسى بەكسۇلتتان ماراتقا اتىراۋ وبلىسى اكىمىنىڭ العىس حاتى تابىستالادى. مادەنيەتپەن ءداستۇر، ۇلتتىق ءداستۇرىمىزدىڭ جاندانۋىنا ارنالعان اۋقىمدى شارالار ءالى دە ءوز جالعاسىن تابادى، – دەدى وبلىس اكىمىنىڭ ورىنباسارى جاسۇلان بيسەمبيەۆ.

سونداي-اق ۇلتتىق سپورت قاۋىمداستىعىنىڭ ۆيتسە-پرەزيدەنتى-باس حاتشىسى تاستانبەك ەسەنتاەۆ جارىستىڭ ماڭىزدىلىعىنا توقتالدى.

دانا حالقىمىزدىڭ قاسيەتتى تىلىندە «مەرگەن» دەيتىن ءسوز بار. جاۋگەرشىلىك زاماندا ساداق اتۋ مەن مەرگەندىك ونەر ەلدىڭ تۇتاستىعى مەن بەكەمدىگى ءۇشىن باعا جەتپەس قۇندىلىق بولىپ سانالعان. ال، بۇگىندە ساداق اتۋ ونەرمەن قوسا – ۇلكەن سپورت.       وزدەرىڭىزگە بەلگىلى، ءداستۇرلى ساداق اتۋ سپورتى ەلىمىزدە ۇلتتىق سپورت تۇرىنە جاتادى. ال، ۇلتتىق سپورتىمىزدىڭ دامۋى مەن دۇرىس ناسيحاتىن مەملەكەت باسشىسى قاسىم-جومارت توقاەۆ ءوزىنىڭ ەرەكشە باقىلاۋىندا ەكەنىن بىرنەشە رەت ايتىپ، ۇلتتىق سپورتتى دامىتۋ كونتسەپتسياسىن ازىرلەۋدى، ۇلتتىق سپورتىمىزدى وليمپيادالىق سپورت تۇرلەرىمەن دەڭگەيلەس ەتىپ كوتەرۋ كەرەكتىگىن جانە كەلەسى جىلى ەلىمىزدە وتەتىن V كوشپەندىلەر ويىندارىن وتە جوعارى دەڭگەيدە وتكىزۋگە تاپسىرما بەرگەن بولاتىن. بۇگىندە ءبىز وسى باعىتتا جۇيەلى جۇمىستار جۇرگىزىپ جاتىرمىز. وسىناۋ جارىسقا الىس-جاقىن شەتەلدەردەن كوپتەگەن سپورتشىلار كەلدى. بۇل ءتۋرنيردىڭ قانشالىقتى جوعارى دەڭگەيدە وتكەندىگىنىڭ كورسەتكىشى دەپ سانايمىن، – دەدى تاستانبەك قۇتجان ۇلى.

تۋرنير قورىتىندىسىنا سايكەس، ەرلەر اراسىنان پۋتا نىسانا تۇرىنەن (70 مەتر):

ءى ورىن  – ىنتىماق ءمۇرادىل ۇلى (قىرعىزستان)،

ءىى ورىن – بەكسۇلتان مارات (قازاقستان، اتىراۋ)،

ءىىى ورىن – باقىت توقتوماتوۆ (قىرعىزستان).

ايەلدەر اراسىنان (60 مەتر):

ءى ورىن – دينارا جاقسىلىقوۆا (قازاقستان، استانا)،

ءىى ورىن – يامبيدونچير بايارتسەتسەگ (موڭعوليا)،

ءىىى ورىن – اليا يشمۋراتوۆا (رەسەي).

ەرلەر اراسىنان ورتالىق ازيا نىسانا تۇرىنەن (40 مەتر):

ءى ورىن – اككايا حاياتي (تۇركيا)،

ءىى ورىن – باقىت توقتوماتوۆ (قىرعىزستان)،

ءىىى ورىن – رۋستام نوگويباەۆ (قىرعىزستان).

ايەلدەر اراسىنان:

ءى ورىن – اليا يشمۋراتوۆا (رەسەي)،

ءىى ورىن – فاريزا سابىرجان (قازاقستان، استانا)،

ءىىى ورىن – دينارا جاقسىلىقوۆا (قازاقستان، استانا).

ەرلەر اراسىنان جامبى نىسانا تۇرىنەن (30 مەتر):

ءى ورىن – سامال زۋلپىحاروۆ (قازاقستان، ماڭعىستاۋ)،

ءىى ورىن – ماقسات ابدىكەرىموۆ (قازاقستان، شىمكەنت)،

ءىىى ورىن – ەربول تاپەنوۆ (قازاقستان، استانا).

ايەلدەر اراسىنان:

ءى ورىن – نورسياني بينتي موحد Hop (مالايزيا);

ءىى ورىن – جازيرا كۋزەكباي (قازاقستان، استانا);

ءىىى ورىن – تساريتسا انجەلا (قازاقستان، استانا) يەلەنىپ، مەدالدار مەن ديپلومدار جانە اقشالاي سىياقىلارمەن ماراپاتتالدى.

ءدۇبىرلى دودادا 11 مەملەكەتتەن، سونىڭ ىشىندە قازاقستاننان 150-گە جۋىق مەرگەن باق سىنادى. ءتۋرنيردىڭ ۇيىمداستىرۋشىسى –  ۇلتتىق سپورت قاۋىمداستىعى، ساداق اتۋ فەدەراتسياسى جانە «Batu Han zhebesi» وبلىستىق ءداستۇرلى ساداق اتۋ فەدەراتسياسى. ال، ءتۋرنيردىڭ باس سەرىكتەسى – «سامۇرىق قازىنا» اق، سونداي-اق سەرىكتەسى «Sportqory» سپورتتى قولداۋ قورى بولدى.

 

دينارا امانتاي،

استانا

فوتو: اتىراۋ وبلىسى اكىمدىگىنىڭ ءباسپاسوز قىزمەتى