SportPress.kz Qazaqstan sport jańalyqtary
Jaqynda Astanadaǵy Əlkeı Marǵulan atyndaǵy № 40 qazaq orta mektebinde shaǵyn fýtboldan BAQ ókilderi arasynda Qazaqstan sport baspasózi qaýymdastyǵy qalalyq fılıalynyń kýbogy úshin týrnır ótti.
Bul jarysqa buqaralyq aqparat quraldarynyń 8 komandasy qatysty. Onda Qazaqstan sport baspasózi qaýymdastyǵy Astana qalalyq fılıalynyń «Jeńis», «Egemen Qazaqstan» gazeti, «Habar» agenttigi, «Qazaq Radıosy», «QazMedıa», «Sport 59», Kazsport pen «Atameken» bıznes telearnasynyń klýbtary kúsh synasty.
Týrnırde komandalar eki topqa bólinip, óner kórsetti. «A» tobynda Qazaq Radıosy, «Egemen Qazaqstan», Kazsport pen «Habar» ujymynyń komandalary oınasa, «V» tobynda alańǵa «QazMedıa», «Jeńis», «Sport 59» ben «Atameken» telearnasynyń jigitteri shyqty. Jarys óte tartysty jəne qyzyqty ótti. Ony týrnırdiń ashylý saltanatynda sóz sóılep, soǵan deıin oıyndardy óz kózimen kórgen Mádenıet jəne sport mınıstrligi Sport jəne deneshynyqtyrý isteri komıtetiniń tóraǵasy Elsııar Qanaǵatov ta aıtty.
Ol ashylý rásiminde jarystyń jaqsy ótip jatqanyn, Qazaqstan sport baspasózi qaýymdastyǵy Astana qalalyq fılıalynyń jýrnalıster arasynda dop dodasyn uıymdastyryp jeksenbi kúngi demalysta áriptesterine tamasha syı jasaǵanyna rızashylyǵyn bildirip, aldaǵy ýaqytta qoǵamdyq uıymnyń jeke bastamalaryna qoldaý kórsetetinin atap ótti. Sonymen birge ol elimizde buqaralyq sportty damytý, ony nasıhattaý tek memlekettik organdardyń ǵana jumysy bolmaý kerektigin, osynaý ıgi-sharalardy qoǵamdyq mekemeler ótkizip jatsa, olardy óz tarapynan árqashan qoldap otyratynyn málimdedi. Sol sııaqty týrnırdiń ashylý saltanatynda «Astana aqshamy» gazeti bas redaktorynyń orynbasary Ǵalym Qojabekov, Əlkeı Marǵulan atyndaǵy № 40 qazaq orta mektebiniń dırektory Erbol Irgebaı, Kazsport telearnasynyń dırektory Pavel ybýlın men Qazaqstan sport baspasózi qaýymdastyǵy Astana qalalyq fılıalynyń tóraǵasy Dastan Kenjalın de jýrnalısterdi sport merekesimen quttyqtap, jyly lebizderin bildirdi.
Endi jarys týraly aıtsaq, onda eki topqa bólingen jasaqtar bir-birimen oınap, arasynan myqtylary jartalaı fınalǵa shyqty. «A» tobynda «Habar» agenttigi men «Egemen Qazaqstan» gazetiniń klýbtary birinshi jáne ekinshi orynmen kelesi aınalymǵa shyqsa, «V» tobynda «Jeńis» pen «Sport 59» komandalary ½ ffınalǵa joldama aldy. Sóıtip, jartylaı fınaldyń birinshi matchynda «Habar» men «Sport 59» klýbtary kezdesti. Bul oıynda jýrnalısterdiń jarystarynda top jaryp, bas júldeni alyp júrgen «Habardyń» jgitteri basymdyq tanytty. Kezdesýde komanda kapıtany Nursultan Qurman bastaǵan jigitter týrnırdiń «tıneıdjerler» komandasy atanǵan «Sport 59» klýbyn 3:0 esebimen utty.
Jartylaı fınaldyń ekinshi oıyny «Jeńis» pen «Egemen Qazaqstan» komandalarynyń arasynda ótti. Buǵan deıin Astana qalalyq fýtbol federaııasynyń uıymdastyrýymen ótken BAQ lıgasynda Qazaqstan sport baspasózi qaýymdastyǵy qalalyq fılıalynyń klýby «Egemenniń» oıynshylarynan jeńilgenin bilemiz. Kezdesýde «Jeńistiń» jigitteri sol joly ketken eseni qaıtaryp aldy. Olar qarsylastaryn 3:2 esebimen jeńdi. Al týrnırdiń úshinshi oryny úshin bolǵan matchta «Sport 59» «tıneıdjerler» komandasy «Egemenniń» jasaǵynan aılasyn asyryp, qola júldeger atandy.
Qazaqta baq shaba ma, bap shaba ma degen sóz bar. Bul synda «Jeńis» klýbynyń baby men baǵy kelisti. Qazaqstan sport baspasózi qaýymdastyǵy qalalyq fılıalynyń klýby fınalda «Habar» agenttiginiń jigitterin penaltı serııasynda utyp, týrnırdiń jeńimpazy ataǵyn jeńip aldy. Matchta komandalar bir-birine des bermeı, jankúıerlerge tamasha oıyn syılady. Máselen, 3:3 esebimen aıaqtalǵan oıynda «habarlyqtar» 1:3 esebimen jeńilip jatyp, esepti teńestirip ketti. Bul da erlik! Bul da jeńiske degen jigerdi kórsetip tur! Jalpy, týrnırde barlyq ujymdar jaqsy óner kórsetti. Sonyń ishinde uıymdastyrý komıteti jekelegen atalym boıynsha úzdik atanǵan tórt adamǵa arnaıy syılyq taǵaıyndady. Onda týrnırdiń úzdik oıynshysy ataǵyn «Habar» agenttiginiń kapıtany Nursultan Qurman, úzdik qorǵaýshy nomınaııasyn «Egemen Qazaqstan» gazetiniń qyzmetkeri Eltaı Nurǵazın alsa, Qumarbek Azat («Jeńis») úzdik shabýylshy, Aıbek Qabylsha («Habar») úzdik qaqpashy atandy.
–Jarysqa qatysqan barlyq komandalarǵa rahmet aıtamyn. BAQ ujymdary bir kún boıy tańerteńnen keshke deıin jeńiske degen jigerin kórsetip, baq synasty. Sonymen birge týrnırge arnaıy kelip, jýrnalısterge óziniń ystyq lebizin bildirgen Mádenıet jəne sport mınıstrligi Sport jəne deneshynyqtyrý isteri komıtetiniń tóraǵasy Elsııar Qanaǵatovqa, «Astana aqshamy» gazeti bas redaktorynyń orynbasary Ǵalym Qojabekov pen mekteptiń dırektory Erbol Irgebaıǵa alǵys aıtqym keledi. Bul uıymnyń alǵashqy týrnıri bolǵan soń biz úshin joǵaryda attary atalǵan sport janashyrlarynyń pikiri mańyzdy. Osy kisiler aldaǵy ýaqytta da qoǵamdyq birlestiktiń jumysyna qoldaý kórsetetinin aıtty», — dedi sport jýrnalısi, Qazaqstan sport baspasózi qaýymdastyǵy Astana qalalyq fılıalynyń tóraǵasy Dastan Kenjalın.
Endi bolashaqta Qazaqstan sport baspasózi qaýymdastyǵynyń Astana qalalyq fılıaly jýrnalıster arasynda jarystyń birneshe túrinen Spartakıada ótkizýdi josparlap otyr.
Dastan KENJALIN
