فۋتبولدان قازاقستان قۇراماسى الداعى ماتچتارعا ءتىزىمىن جاريالادى

قازاقستان ۇلتتىق قۇراماسىنىڭ باس جاتتىقتىرۋشىسى ماگومەد اديەۆ 2024 جىلعى ەۋروپا چەمپيوناتىنىڭ ىرىكتەۋ تۋرنيرىندە 16 ماۋسىمدا سان-مارينو كومانداسىمەن جانە 19 ماۋسىمدا سولتۇستىك يرلانديا قۇراماسىمەن وتەتىن ماتچتارعا شاقىرتۋ العان ويىنشىلاردىڭ ءتىزىمىن جاريالادى.

جالپى تىزىمگە 34 فۋتبولشى ەندى.

قاقپاشىلار: يگور شاتسكي («شاحتەر»)، مۇحاممەدجان سەيسەن، بەكحان شايزادا (ەكەۋى دە – «ورداباسى»)، دانيل ۋستيمەنكو («قايرات»);

قورعاۋشىلار: سەرگەي مالىي، تەمىرلان ەرلانوۆ (ەكەۋى دە – «ورداباسى»)، الەكساندر ماروچكين، باعدات قايىروۆ (ەكەۋى دە – «توبىل»)، ميحايل گابىشەۆ، تيمۋر دوسماعامبەتوۆ، ابزال بەيسەبەكوۆ (بارلىعى – «استانا»)، تالعات كۋسياپوۆ («كاسپي»)، مارات بىستروۆ («احمات»، رەسەي)، يان ۆوروگوۆسكي («مولەنبەك»، بەلگيا)، الىبەك قاسىم («اقتوبە»)، نۇرالى ءالىپ («زەنيت»، رەسەي)، لەۆ سكۆورتسوۆ («حيمكي»، رەسەي);

جارتىلاي قورعاۋشىلار: رامازان ورازوۆ («توبىل»)، ماكسيم سامورودوۆ، ارمان كەڭەسوۆ (ەكەۋى دە – «اقتوبە»)، اسحات تاعىبەرگەن («ورداباسى»)، اسلان داراباەۆ، ەلحان استانوۆ، يسلامبەك قۋات (بارلىعى – «استانا»)، باقتيەر زاينۋتدينوۆ (تسسكا، رەسەي)، ميراس تۇرلىبەك («اقسۋ»)، ەركىن تاپالوۆ («قىزىلجار»);

شابۋىلشىلار: ابات ايىمبەتوۆ، ۆلاديسلاۆ پروكوپەنكو (ەكەۋى دە – «استانا»)، ابىلايحان جۇمابەك («اقتوبە»)، ايبار جاقسىلىقوۆ («ورداباسى»)، ارتۋر شۋشەناچەۆ، ۆياچەسلاۆ شۆىرەۆ (ەكەۋى دە – «قايرات»)، يسلام چەسنوكوۆ («توبىل»);

جاتتىقتىرۋشىلار شتابى: ماگومەد اديەۆ – باس جاتتىقتىرۋشى، ەۆگەني كوسترۋب – باس جاتتىقتىرۋشىنىڭ كومەكشىسى، رۋسلان بالتيەۆ – باس جاتتىقتىرۋشىنىڭ كومەكشىسى، ۆالەري سيتالو – قاقپاشىلاردىڭ جاتتىقتىرۋشىسى، ەرلان يبرايم – دەنە دايارلىعى جاتتىقتىرۋشىسى، امال سىزدىقوۆ – ساراپشى باپكەر.

وقۋ-جاتتىعۋ جيىنى 8 ماۋسىمدا الماتىدا باستالادى. ويىنشىلاردىڭ ناقتى ءتىزىمى كەيىن بەلگىلى بولادى.

قازاقستان قۇراماسى ماۋسىم ايىندا 2024 جىلعى ەۋروپا چەمپيوناتىنىڭ ىرىكتەۋ كەزەڭىندە سىرت الاڭدا ەكى ماتچ وتكىزەدى. 16 ماۋسىم كۇنى ەلىمىزىدڭ باس كومانداسى سان-مارينومەن يتاليانىڭ پارما قالاسىندا كەزدەسەدى. ويىن «ەننيو تارديني» ستاديونىندا استانا ۋاقىتىمەن 00.45-تە باستالادى.

ءۇش كۇننەن كەيىن ۇلتتىق قۇراما سولتۇستىك يرلانديا كومانداسىمەن وينايدى. كەزدەسۋدىڭ باستالۋى استانا ۋاقىتىمەن 00.45-كە جوسپارلانعان. ماتچ بەلفاست قالاسىنداعى «ۋيندزور پارك» ستاديونىندا بولادى.

داستان كەنجالين،

استانا