Теннисшілер Түркиядағы турнирде үздік шықты

Асылжан Арыстанбекова мен Іңкәр Дүйсебай жұптық сында Түркияның Анталия қаласында өткен ITF W15 турнирінің жеңімпазы атанды.

Олар жарыстың 4-ракеткасы болып тіркелді. Финалда теннисшілер армениялық Ани Амирагян мен түркиялық Ада Кумрумен ойнады.

Матчта отандастарымыз қарсыластарын 5:7, 6:4, 11:9 есебімен жеңіске жетті.

Бұған дейін А.Арыстанбекова мен І.Дүйсебай тамыз айында Астанада Президент кубогы үшін өткен ITF W15 додасында үздік шыққан еді.

Дастан КЕНЖАЛИН,

АСТАНА