Upaı alyp, jankúıerlerdi qýantamyz! – Abat Aıymbetov

Qazaqstan ulttyq quramasynyń shabýylshysy Abat Aıymbetov Belfast qalasynda Soltústik Irlandııamen matchtyń aldynda BAQ ókilderiniń suraqtaryna jaýap berdi: 

— Soltústik Irlandııa quramasynyń bas jattyqtyrýshysy Maıkl O’Nıl Qazaqstan oıynshylarynyń asa tanymal emes, sol sebepti olar týraly birdeńe aıtý qıyn ekenin aıtypty. Onyń sózine ne aıtasyz? Bul bizdiń komandaǵa basymdyq bere me?

— Men ol týraly eshteńe aıta almaımyn. Ne dese o desin. Solaı oılasa solaı bolsyn!  Bizdiń matchqa ózi oıyn josparymyz bar. Ony oıyndy kórsetemiz.

— Soltústik Irlandııa quramasy týraly ne bilesiz?

— О́te jaqsy komanda. «Manchester ıýnaıted» komandasynda oınaǵan tájirıbeli Djonnı Evans bar. Soltústik Irlandııa — jaqsy qarsylas.  Aǵylshyn chempıonattarynda áýeleti zor jas fýtbolshylar oınaıdy.

— Danııa sııaqty myqty quramany jeńdińizder. Endi toptan shyǵatyn múmkindik bar ma?

— Árıne, birinshiden Allanyń qalaýymen, ekinshi barlyǵy ózimizdiń oıynymyzǵa jáne kúsh-jigerimizge baılanysty. Bizde úlken jospar bar. Jaqsy oınasaq, árıne jaqsy nátıje bolady.

— Soltústik Irlandııamen oıyn sen úshin de, Qazaqstan quramasy úshin de mańyzdy oıyn bolaıyn dep tur. Taǵdyrsheshti match bolatyn sııaqty. San-Marınmen oıynǵa qatyspadyń. Endi osy oıynǵa bar kúshińdi salatyn shyǵarsyń? Matchqa daıyndyǵyń qalaı? Komandanyń daıyndyǵy qalaı?

— Komandanyń daıyndyǵy óte keremet dep aıta alamyn. Jigitterdiń kúshi tasyp tur. Jiger de bar. Bizdiń jattyqtyrýshy aıtqandaı, osy eki oıynda kóp nárse sheshiledi. Josparymyzdyń qalaı bolatynyn osy oıynnyń nátıjesi kórsetedi. Sol úshin jigitter jaqsy daıyndyqpen jasyl alańǵa shyǵýǵa daıyn. О́zime keletin bolsaq, osy oıyndy kóp kúttim. San-Marınonmen oıynǵa qatyspadym. Biraq, ár nárseniń qaıyry bar. Buıyrsa, osy matchta bar kúshimizdi salamyz. Upaı alyp, jankúıerlerdi qýantamyz!

— Abat, qarsylas komandany zerttep qaradyń ba?

— Oıyndaryn qaradym. Qarsylas osal emes. Tájirıbeli oıynshylar da bar. Shabýylshy bolǵannan keıin ár oıynǵa gol salamyn dep shyǵamyn. Osy oıynǵa bar kúshimdi salamyn.

— Danııamen oıynda jeıdeńdi sheship, sary qaǵaz aldyń. Mundaı jaǵdaı qaıtalanbaıtyn shyǵar…

— Ol oıynda emoııaǵa berildim. Sońǵy mınýtta gol salý sırek nárse. Sol úshin osyndaı qatelik boldy. Jeńis goldary bolsa, endi jeıdemdi sheshpeımin.

— Ulttyq quramada kóp gol salǵan fýtbolshylardyń tiziminde Zaınýtdınov te bar. Baltıevtiń rekordyn jańartýǵa shamań jetedi.  Bul týraly oılamadyń ba? 

— Árıne, ár oıynshynyń armany — ulttyq quramanyń tarıhynda qalý. Eń bastysy, Qazaqstanǵa nátıje ákelý. Ekinshiden, Baha úshin óte qýanyshtymyn. Bahamen birge rekordsmender qatarynda bolsam keremet bolar edi. Alla densaýlyq berse, áli de goldar salýǵa bolady.

— Slovenııa jáne Danııamen oınaǵanda «Astana Arena» stadıony lyq toldy. Bul joly kerisinshe bolatyn sııaqty. Soltústik Irlandııamen match qanshalyqty qıyn bolady? 

— Úıde jáne syrt alańdaǵy oıyndardyń aıyrmashylyǵy bar. Biraq qanshalyqty qıyn bolǵanymen, ózimizdiń oıynǵa degen josparymyz bar. Soltústik Irlandııa alań ıesi bolǵan soń,  basymdyǵy bolady. Biraq biz budan da úlken stadıonda oınadyq. Bar kúshimizdi salsaq, qıyn bolmaıdy dep oılaımyn.