SportPress.kz قازاقستان سپورت جاڭالىقتارى
Cپورتشى ەلەنا پوتاپەنكو مەن گەورگي بورودا-دۋدوچكين قىتايدىڭ حانچجوۋ قالاسىندا ءوتىپ جاتقان XIX ازيا ويىندارىندا ايەلدەر جانە ەرلەر اراسىنداعى قازىرگى بەسسايىستان جەكە جارىستا وليمپياداعا جولداما الدى.
وسىلايشا ول كەلەسى جىلى وتەتىن پاريج وليمپياداسىنا قاتىسۋعا مۇمكىندىك الدى.سوڭعى كەزەڭگە دەيىن ەلەنا پوتاپەنكو جالپى ەسەپتە سەگىزىنشى ورىنعا يە بولدى. بىراق مىلتىق اتۋدا ءساتتى ونەر كورسەتىپ، العاشقى بەستىكتەن كورىندى. قازاقستاندىق سپورتشىنىڭ قورىتىندى ناتيجەسى — 1340 بالل.
ەلەنا پوتاپەنكو مەن گەورگي بورودا-دۋدوچكيندى وليمپياداعا ليتسەنزيا الۋىمەن قۇتتىقتايمىن جانە ولارعا پاريجدە ساتتىلىك تىلەيمىن!، — دەدى تۋريزم جانە سپورت ءمينيسترى ەرمەك مارجىقپاەۆ.
ازياداعا قاتىسۋدىڭ ءبىر ماقساتى — پاريج وليمپياداسىنا ليتسەنزيا الۋ. قازاقستان سپورتشىلارى جارىستىڭ 8 تۇرىنەن وليمپيادالىق ويىندارعا جولداما الۋ ءۇشىن كۇش سىناسىپ جاتىر.
ەسكە سالا كەتسەك، بۇعان دەيىن ۆەلوسپورتتان ەرلەر قۇراماسى شوسسە جارىسىندا، پنەۆماتيكالىق وق اتۋدان ليتسەنزيا السا، ەركىن كۇرەستە 86 كەلىگە دەينىگى سالماقتا ازامات داۋلەتبەكوۆ پەن گرەك-ريم كۇرەسىنەن 87 كەلىگە دەيىنگى سالماقتا بولعان بەلدەسۋدە نۇرسۇلتان تۇرسىنوۆ وليمپياداعا جولداما العان بولاتىن.
داستان كەنجالين،
استانا
فوتو: تۋريزم جانە سپورت مينيسترلىگى
