SportPress.kz Qazaqstan sport jańalyqtary
Búgin Astanada V Dúnıejúzilik kóshpendiler oıyndary uıymdastyrýshylarynyń halyqaralyq konferenııacynda dodaly jarystyń sporttyq, mádenı baǵdarlamalary, resmı logotıpi men uransózi tanystyryldy, dep habarlady Týrızm jáne sport mınıstrligi.
Is-shara Qazaqstan Respýblıkasy Prezıdenti janyndaǵy Ortalyq kommýnıkaııalar qyzmetiniń baspasóz ortalyǵynda bolyp, oǵan týrızm jáne sport mınıstri, V Dúnıejúzilik kóshpendiler oıyndary Uıymdastyrý komıteti tóraǵasynyń orynbasary Ermek Marjyqpaev, Ulttyq sport túrleri qaýymdastyǵynyń prezıdenti Islambek Saljanov, Kóshpendiler oıyndaryn daıyndaý jáne ótkizý jónindegi dırekııa jetekshisi Naıl Nurov qatysty.
Sonymen qatar Dúnıejúzilik etnosport konfederaııasynyń prezıdenti Bilál Erdoǵan men Túrki Memleketteri Uıymynyń Bas hatshysy Qýanyshbek О́mirálıev vıdeokonferenbaılanys arqyly qosylyp, pikirlerin ortaǵa saldy.
2024 jyldyń 8-14 qyrkúıek aralyǵynda Astanada ótetin V Dúnıejúzilik kóshpendiler oıyndaryna 100-den astam memleketten 4000-ǵa jýyq sportshy qatysady dep josparlanyp otyr.
Memleket basshysy Qasym-Jomart Kemelulynyń bastamasymen, elimiz kelesi jyly Dúnıejúzilik kóshpendiler oıyndaryn ótkizedi. Bul – álem jurtshylyǵyna kóshpendilerdiń danalyǵy men dástúrin, mádenıeti men ónerin pash etetin halyqaralyq deńgeıdegi aıtýly mereke. Qazirdiń ózinde, elimizde ótetin Kóshpendiler oıyndaryna 73 memlekettiń ókilderi qatysýǵa nıet bildirdi. Demek, álem elderiniń qyzyǵýshylyǵy áli de artyp, qatysýshylar sany edáýir kóbeıýi múmkin. Jarysty joǵary deńgeıde ótkizý úshin Uıymdastyrý komıteti bar kúshin salady,- dedi Ermek Boranbaıuly.
Týrızm jáne sport mınıstri Kóshpendiler oıyndary ótetin nysandardyń ınfraqurylymy men daıyndyq barysy týraly da aıtty. Mınıstr ulttyq sport túrleri men etnıkalyq týrızmge qyzyǵýshylyq tanytqan barlyq saıahatshyǵa qaýipsiz ári jaıly jaǵdaı jasalatynyn aıta kele, kóshpendiler oıyndary kezinde Astanaǵa 100 myńnan astam týrıst keletinin jetkizdi.
Konferenııaǵa qatysqan sheteldik meımandar da Qazaqstanda ótetin dúbirli dodaǵa barynsha qoldaý bildirip, Kóshpendiler oıyndarynyń álemdegi etnomádenı jáne etnosport qozǵalysynyń damýyna jańasha serpin beretinin jetkizdi.
Dúnıejúzilik kóshpendiler oıyndarynyń baǵdarlamasy sport, mádenıet, ǵylym syndy negizgi úsh salany qamtıdy. Osy úsh salany biriktirýdiń arqasynda kóshpendiler mádenıetin zerttep, jahandyq deńgeıde nasıhattaý múmkindigi artady.
V Dúnıejúzilik kóshpendiler oıyndarynda at sporty túrleri, ulttyq kúres túrleri, sadaq atý, dástúrli ıntellektýaldy oıyndar, saıatshylyq óner, sadaq atý, jamby atý, arqan tartý syndy ulttyq jáne halyqtyq oıyndardyń 20 túrinen jarys ótedi. Buǵan qosa resmı baǵdarlamadan tys, ulttyq ónerdiń 10 túrin tanystyrý maqsatynda ótetin arnaıy kórsetilim saıystary belgilengen.
«Qazanat» ıppodromy men onyń mańynda ornalasatyn «Kóshpendiler álemi» etnoaýylynda at jarys, kókpar, saıatshylyq óneri men sadaq atý jarystary ótedi. Jaqsylyq Úshkempirov atyndaǵy jekpe-jek saraıy men «Alaý» muz aıdynynda» ulttyq kúres túrleri men halyq oıyndary, «Dýman» qonaq úı kesheninde ınttelektýaldyq oıyndar saıysy ótedi.
V Dúnıejúzilik kóshpendiler oıyndarynyń ashylý saltanaty «Astana-Arena» stadıonynda, jabylýy «Qazanat» ıppodromynda ótedi dep josparlanǵan. Qazir «Qazanat» ıppodromynda qaıta jóndeý jumystary júrip jatyr. Tolyq iske qosylǵanda ıppodrom 10 myń kórermendi qabyldaı alady. «Astana-Arena» men «Alaý» muz aıdyny» saraıynda da jóndeý jumystary bastaldy.
Kóshpendiler oıyndarynyń ıdeıasyn tolyq ashý úshin elimizdiń barlyq aımaǵynda «Birlik kerýeni» jobasy iske asyrylady. «Qazanat» ıppodromynyń aýmaǵynda «Kóshpendiler álemi» ataýymen etnoaýyl qurylady. Etnoaýylda apta boıy Qazaqstan men álem elderiniń úzdik qolóner sheberleriniń kórme-jármeńkesi, sheberlik sabaqtary ótedi. Aqyndar aıtysy men tól mádenıetimizdi pash etetin basqa da is-sharalar uıymdastyrylady. Etnoaýyldy bir kúnde 30 myń kórermenniń aralaýyna jaǵdaı jasalady.
V Dúnıejúzilik kóshpendiler oıyndary kezinde Ulttyq mýzeıde Halyqaralyq ǵylymı-praktıkalyq konferenııa ótedi.
Onda kóshpeli halyqtar órkenıetiniń adamzat tarıhyndaǵy mańyzy men murasy zerttelip, ǵylymı baǵa beriledi.
Jıynda V Dúnıejúzilik kóshpendiler oıyndaryn daıyndaý jáne ótkizý jónindegi dırekııa jetekshisi Naıl Nurov pen brend-dızaın sarapshysy Serik Marksuly jarystyń logotıpi men uransózin tanystyrdy.
V Dúnıejúzilik kóshpendiler oıyndarynyń urany — «ULY DALA DÚBIRI».
Logotıp formasy sopaqshaǵa jaqyn sheńber. Onda kúnbasty salt atty beınelengen. Bul belgi Dúnıejúzilik kóshpendiler oıyndaryn ótkizýshi elderdiń barlyǵynda qoldanylyp keledi. Logotıptiń jalpy pishin sulbasy kóshpendiler qoldan jasaǵan turmystyq buıymynyń sándik elementterine uqsaıdy. Logotıp qoıý qyzyl túspen boıalǵan. Bul aqyq tastyń túsi qan men otty, júrek pen kúndi eske salady ári adam boıyna qýat beredi degen senimmen ushtalady. Aqyq taspen ejelde qamshy, belbeý ispetti buıymdar árlengen. Oıyn ataýy myńjyldyqtyń basynda túrki rýnalarynda qoldanylǵan túpnusqa shrıftpen jazylǵan. Logotıp túsi kóshpendilerdiń materıaldyq áleminen (dúnıetanymynan) alynǵan.
FOTO: Týrızm jáne sport mınıstrligi
