«Ertis» klýbynyń eks-fýtbolısi Messıdiń komandasymen oınady

Gonkongta AQSh-tyń «Inter Maıamı» men jergilikti fýtbolshylardan jasaqtalǵan komandanyń arasyndaǵy joldastyq matchta Pavlodardyń «Ertis» klýbynda oınaǵan Túrkimenstannyń legıoneri Rýslan Mıngazov alańǵa shyqty.

Rýslan Mıngazov 2019-2020 jyldary Pavlodardyń «Ertisi» klýbynda oınaǵan. Al qazir Gonkongtyń «Kıtchı» komandasymen kelisimshart jasap, osy jasaqtyń jeıdesinde jasyl alańǵa shyǵyp júr.

Matchta  Gonkongtyń fýtbolshylary Lıonel Messıdiń komandasynan 1:4 esebimen jeńildi. Mıngazov matchtyń basynan bastap sońyna deıin oınady.

О́kinishke qaraı, «Inter Maıamıdiń» sapynda Lıonel Messı, Hordı Alba, Lýıs Sýares pen Serhıo Býskets syndy oıynshylar bolǵan joq. Argentınalyq fýtbolıst búkil oıyn boıy qosalqy quramnyń oryndyǵynda otyryp shyqty. Bul jergilikti jankúıerlerdiń kóńilinen shyqpaı, amerıkalyq komandanyń bas jattyqtyrýshysy Herardo Martınoǵa renishin bildirdi.

Jankúıerler «Inter Maıamıdiń» basshylyǵynan satyp alǵan bıletteriniń aqshasyn qaıtarýdy talap etti. Herardo Martıno álem chempıonynyń alańǵa shyqpaǵanyna shyǵaryp salma jaýap berdi.

Messı alańda bolsa jaraqat alatyn edi. Onyń jaraqat alǵany bizge kerek emes. Sizder osy jerde qalasyzdar. Al biz erteń qaıtyp ketemiz. Jaraqatpen ketkimiz kelmeıdi, –  dedi ol.

Rýslan Mıngazov bolsa, «Inter Maıamıde» oınaıtyn fýtbol juldyzdarynyń bárimen fotoǵa túsip, jasyl alańǵa shyqqany úshin Gonkongqa alǵys aıtty.

Jartylaı qorǵaýshy «Ertis» sapynda 13 match oınap, eki gol soqqan edi. Ol 2020 jyly mamyrda «Ertis» premer-lıgadan shettetilgen kezde klýbpen kelisimsharty aıaqtalmaǵanyna qaramastan  Pavlodardan ketýge asyqqan bolatyn.

Dastan KENJALIN,

ASTANA

 

View this post on Instagram

 

A post shared by Ruslan Mingazov (@ruslan_mingazov9)