Syrtqy ister mınıstrliginde «Izgi nıet elshileri» jobasy bastaldy

Cyrtqy ister mınıstrliginde «Qazaqstannyń izgi nıet elshileri» jobasy bastaldy. Osyǵan baılanysty vedomstvoda saltanatty is-shara bolyp, oǵan premer-mınıstrdiń orynbasary – syrtqy ister mınıstri Murat Nurtileýdiń qatysty, dep habarlady vedomstvo.

«Izgi nıet elshileri» jobasy memleket basshysynyń bastamasymen qolǵa alynyp otyr. Ol mádenıetter pen halyqtar arasyndaǵy dıalogty damytýǵa jáne elimizdiń jetistikterin shet elderde dáripteý maqsatynda tanymaldylyǵyn arttyrýǵa baǵyttalǵan.

Mınıstr óz alǵy sózinde Birikken Ulttar Uıymynyń jarǵysy men halyqaralyq quqyq negizindegi kópvektorly jáne syndarly syrtqy saıasatqa aıqyn balama joq ekenin atap ótti.

Buryn-sońdy bolmaǵan geosaıası jaǵdaıda, halyqtyq jáne mádenı-gýmanıtarlyq dıplomatııanyń alar orny bólek. «Álemdik sahnalarda, arenalarda jáne konferenııalarda Sizderdiń jeńisterińiz ben tamasha óner kórsetýlerińizdiń arqasynda elimizdiń kók týy álemniń túkpir-túkpirinde kóterilip, memlekettik ánuran saltanatty túrde shyrqalady, – dedi SIM basshysy.

Bul jobaǵa halyqaralyq qoǵamdastyqta Qazaqstan týraly oń pikir qalyptastyrýǵa zor úlesin qosyp júrgen elimizdiń qoǵam qaıratkerleri shaqyryldy. Olardyń arasynda – skrıpkashy-vırtýoz, dırıjer, Azııa-Tynyq muhıty óńiri orkestrleri Alıansynyń dırektory Marat Bısenǵalıev, Olımpıada chempıony, veloshabandoz Aleksandr Vınokýrov, sýretshi jáne antııadrolyq qozǵalys belsendisi Káripbek Kúıikov, University Medical Center korporatıvtik qorynyń basqarma tóraǵasy, kardıohırýrg Iýrıı Pıa, saıasattaný ǵylymynyń doktory jáne tarıhı kartalardy zertteýshi Muhıt-Ardager Sydyqnazarov, N. Tilendıev atyndaǵy Memlekettik akademııalyq folklorlyq-etnografııalyq «Otyrar Sazy» orkestriniń bas dırıjeri Dınara Tilendıeva; Adam laqap atymen álemdik tanymaldylyqqa ıe bolǵan estrada ánshisi Mırhıdaı Mırfarýh pen álem rekordyn jańartqan alyp kúsh ıesi, Gınnes kitabynyń rekordshysy Sergeı yrýlnıkov bar.

О́z sózinde Aleksandr Vınokýrov jobaǵa Astana Qazaqstan Team komandasynyń barlyq músheleri qatysatynyn, «Izgi nıet elshisi» mártebesin alý Parıj Olımpıadasy qarsańynda rýhty kóterip, jeńiske degen senim-kúshti arttyratynyn aıtty.

Shyǵarmashylyq ıntellıgenııa atynan sóz sóılegen Dınara Tilendıeva artylǵan senim úshin alǵysyn bildirip, elimizdiń mádenıetti sheteldik jurtshylyq aldynda nasıhattaý árqashan mańyzdy jumys bola beretinin atap ótti.

О́ner, sport, ǵylym, medıına jáne basqa da salalarda jetistikterge jetken otandastarymyzdy tartý arqyly Qazaqstandaǵy Izgi nıet elshileri qyzmetiniń sátti halyqaralyq tájirıbesin eńgizý elimizdiń bedelin nyǵaıtyp, beıbitshilik, dostyq jáne halyqaralyq yntymaqtastyqtyń negizi bolatyn mádenı-gýmanıtarlyq baılanysty arttyrýǵa yqpal etedi.