المانىڭ وتانى – الماتى

حالىقارالىق الما كۇنىنە بايلانىستى الماتىداعى پرەزيدەنت ءىس باسقارماسىنا قاراستى «Almaty Resort» شيپاجايىندا ءداستۇرلى الما فەستيۆالى ءوتتى.

مەرەكەنى تاماشالاۋعا كەلگەن كوپشىلىككە اسپازدىڭ قيالىنان تۋعان المادان جاسالعان ءتۇرلى ءدام ۇسىنىلىپ، داستارحان جايىلدى.

شيپاجاي ديرەكتورىنىڭ ايتۋىنشا، الما مەرەكەسىن وتكىزۋدىڭ ماقساتى- دەمالۋشىلار مەن كەلۋشىلەرگە كوتەرىنكى كوڭىل-كۇي سىيلاۋ. سونداي-اق جەمىس تاريحىن ناسيحاتتاۋ.

حالىقارالىق الما كۇنىنە وراي ءبىزدىڭ اسپاز قىز-جىگىتتەر ارنايى رەتسەپت بويىنشا جاڭا پىسكەن المادان 1000 پورتسيا كونديتەرلىك ءونىم دايىندادى. مەرەكەنىڭ ەرەكشە بەزەندىرىلۋى الما مۇراجايىنىڭ ينستاللياتسياسى، ءىس-شارانىڭ ءار بۇرىشى المانىڭ باي تاريحى مەن ايماق مادەنيەتى تۋرالى بايانداپ تۇر. بۇل مەرەكە بيىل ەكىنشى رەت ۇيىمداستىرىلىپ وتىر. مۇنى داستۇرگە اينالدىرماقپىز، – دەيدى شيپاجاي ديرەكتورى گۇلجانات بۇعىباەۆا.

ءىس-شاراعا ەسترادا جۇلدىزدارى دا قاتىسىپ، مەرەكەنىڭ كوركىن قىزدىردى.

كەش قوناقتارى اپورت جەمىسىنىڭ قالانىڭ سيمۆولىنا اينالىپ كەتكەنىن ايتىپ، قىزىقتى دەرەكتەر ايتتى. قالا باقتارىندا وسەتىن المالاردىڭ سالماعى 500-دەن 800 گراممعا دەيىن جەتكەن. مەرەكەلىك جيىندا ءتۇرلى سايىس ءوتىپ، كوپشىلىككە قولونەر بۇيىمدارى كورسەتىلدى. سالتاناتتى ءىس-شاراعا ەسترادا انشىلەرى قاتىسىپ، مەرەكەلىك كوڭىل كۇي سىيلادى. مەرەكەلىك جيىندا ءتۇرلى سايىس ءوتىپ، كوپشىلىككە قولونەر بۇيىمدارى كورسەتىلدى.

ۇزىندىعى 100 مەتردەي شترۋدەل ازىرلەدىك. الما كۇنى بولعاندىقتان، ءتۇرلى تاعام جاسادىق، – دەدى باس اسپاز الماس وسيپوۆ.

اسپازداردىڭ الۋان ءتۇرلى قيالىنان تۋعان تاعامداردان بولەك، دەمالۋشىلارعا شىعارماشىلىق بۇيىم ۇسىنىلدى. ۇلتتىق ناقىشتاعى كيىم مەن كيىزدەن جاسالعان ءارتۇرلى تۋىندىنى تاماشالاعان جۇرت ءىس-شارانىڭ دىستۇرگە اينالعانىن قالايدى.

مەرەكەنىڭ ەرەكشە بەزەندىرىلۋى الما مۇراجايىنىڭ ينستاللياتسياسى، ءىس-شارانىڭ ءار بۇرىشى المانىڭ باي تاريحى مەن ايماق مادەنيەتىندەگى ماڭىزى تۋرالى باياندادى. ونىمەن قوسا، قوناقتاردى وتاندىق ەسترادا جۇلدىزدارى ەرلان كوكەەۆ، نۇرلان ەسپانوۆ جانە باسقا دا ارتىستەر مەن مۋزىكانتتاردىڭ قويىلىمدارى بار ويىن-ساۋىق باعدارلاماسى ءوتتى.

مەرەكە شيپاجاي اۋماعىندا تاۋلاردىڭ ەتەگىندەگى اسەم تروتۋار ايماعىندا ءوتىپ، باعدارلامادا ءتۇرلى جارىستار، ءدام تاتۋ، شەبەرلىك ساعاتتار جانە قويىلىمدار كورەرمەنگە ۇسىنىلدى. الما ينستيتۋتىنىڭ ماماندارى الماتىنىڭ تاريحى جانە ونىڭ المامەن بايلانىسى تۋرالى اڭگىمەلەدى.

مەرەكەلىك شارا اياقتالعان سوڭ باق وكىلدەرىنە «Almaty Resort» شيپاجايىنا ارنايى پرەسس-تۋر ۇيىمداستىرىلدى. جۋرناليستەر قاۋىمى شيپاجايدا جۇرگىزىلەتىن ەمدەۋ شارالارىمەن ەتەنە تانىسىپ، وزدەرىنىڭ تولعاندىرىپ جۇرشگەن ساۋالدارىنا تۇششىمدى جاۋاپ الدى.

نۇرلان باقداۋلەت ۇلى،

الماتى