Búgin Mysyrdyń astanasy Kaır qalasynda para-karateden (WKF) álem chempıonaty aıaqtaldy, dep habarlady Qazaqstan karate federaııasynyń baspasóz qyzmeti.
Bıylǵy dodada Qazaqstan quramasynyń qorjynyna 1 qola júlde tústi. K10 kategorııasynda (zaǵıp/kózi nashar kóretin sportshylar) synǵa túsken otandasymyz Lázzat Júsipova úzdik úshtikke kirdi. Jattyqtyrýshysy — Meıramgúl Dýkýeva.
Sportshy 2017 jyldan beri álemdik dodaǵa qatysyp keledi. Bul — Qazaqstan qorjynyna para-karateshiler arasynda túsken alǵashqy júlde.
Jalpy, Kaırdegi básekege para-karateden Qazaqstan komandasy sapynda 3 sportshy joldama alyp, óner kórsetti.
Olar:
Nazgúl Izmaǵambetova (K30, tirek-qımyl júıesi zaqymdanǵan sportshylar)
Dıdar Muhamedjanov (K30, tirek-qımyl júıesi zaqymdanǵan sportshylar)
Lázzat Júsipova (K10, soqyr/kózi nashar kóretin sportshylar)
Bıyl kóktemde Tashkent qalasynda ótken para-karateden IV Azııa chempıonatynda Qazaqstan komandasy 2 altyn, 1 kúmis, 4 qola medal ıelenip, keremet nátıje kórsetken. Ol kezde Lázzat Júsipova men Nazgúl Izmaǵambetova altyn, Dıdar Muhamedjanov qola júldeger atanǵan.
Para-karateden álem chempıonaty 2014 jyldan bastap Halyqaralyq karate federaııasynyń (WKF) baǵdarlamasyna qosylyp, sodan beri turaqty ótip keledi.
Para sportshylar barlyq jarysta tek kata, ıaǵnı jekpe-jeksiz, tek jekeleı jattyǵýlar jıyntyǵyn kórsetý dısıplınasynda synǵa túsedi.
SportPress.kz Qazaqstan sport jańalyqtary