كوپتەن كۇتكەن كوكپارشىلارىمىز جەرگە قاراتتى

كوكپار VI دۇنيەجۇزىلىك كوشپەلىلەر ويىندارىنىڭ شىڭىراۋ شەگى ەدى، دەپ تاقىمىمىزدى قىسىپ، جانىمىزدى شۇبەرەككە ءتۇيىپ فينالدى كۇتتىك.

باسقا ويىنداردان كوكپاردىڭ شوقتىعى بيىك ەكەنى انىق ەدى. ۇلتتىق سپورتىمىزدىڭ ىشىندەگى كوكپار ورنى ايرىقشا ەكەنى دە راس. ال فينالداعى ءبىزدىڭ جىگىتتەردىڭ سۇرەڭسىز كوكپارىن كورىپ، ابدەن قاپا بولدىق. كوزدەرىندە وت، جەڭىسكە دەگەن جىگەر، بىلەكتە كۇش نە شەبەرلىك جوق قانداي قۇرامانى الىپ بارعانىن بىلمەدىك. اسىرەسە، ءتىپتى اتتان ءيىلىپ كوكپاردى جەردەن الا المايتىندارى ماسقارا عوي. سوسىن قارسىلاستاردىڭ جىلدام ج ۇلىپ الىپ وزا شاپقان اتتارىن قاقپالاۋدا ءبىزدىڭ جىگىتتەردىڭ شابان قيمىلداعان قاتەلىكتەرىن ءتىپتى كەشىرۋ مۇمكىن ەمەس.

ءبىز تورەشىنىڭ كىناسىنەن ءبىر ويىنشىمەن كەم قالدىق. سونىڭ كەسىرى وسىلاي بولدى، دەپ ەندى اقتالۋدىڭ ەش قاجەتى جوق.

جالپى، ويىن بارىسىن ساراپتاپ، سارالاپ قورىتىندىلاي ايتقاندا قازاقستان تازا جەڭىلدى.

كوكپار مەن كوكبورى ويىندارىنىڭ ناتيجەسىنىڭ ءوزى ۇرەي شاقىرادى. 12:0، 7:2 دەگەن ەسەپتىڭ ءوزى ءبىزدىڭ قۇرامانىڭ قانشالىقتى ناشار ويىن كورسەتكەندىگىنىڭ ناقتى دالەلى ەمەس پە!

«ەل الدىنداعى ماي جۇتادى»، دەمەكشى قىرعىزدار بۇلجولعى كوكپاردا ءسوزسىزماي جۇتتى دەسە بولادى.

اقىن ورداباي ۇلى،

الماتى