Kópten kútken kókparshylarymyz jerge qaratty

Kókpar VI Dúnıejúzilik kóshpeliler oıyndarynyń shyńyraý shegi edi, dep taqymymyzdy qysyp, janymyzdy shúberekke túıip fınaldy kúttik.

Basqa oıyndardan kókpardyń shoqtyǵy bıik ekeni anyq edi. Ulttyq sportymyzdyń ishindegi kókpar orny aıryqsha ekeni de ras. Al fınaldaǵy bizdiń jigitterdiń súreńsiz kókparyn kórip, ábden qapa boldyq. Kózderinde ot, jeńiske degen jiger, bilekte kúsh ne sheberlik joq qandaı quramany alyp barǵanyn bilmedik. Ásirese, tipti attan ıilip kókpardy jerden ala almaıtyndary masqara ǵoı. Sosyn qarsylastardyń jyldam julyp alyp oza shapqan attaryn qaqpalaýda bizdiń jigitterdiń shaban qımyldaǵan qatelikterin tipti keshirý múmkin emes.

Biz tóreshiniń kinásinen bir oıynshymen kem qaldyq. Sonyń kesiri osylaı boldy, dep endi aqtalýdyń esh qajeti joq.

Jalpy, oıyn barysyn saraptap, saralap qorytyndylaı aıtqanda Qazaqstan taza jeńildi.

Kókpar men kókbóri oıyndarynyń nátıjesiniń ózi úreı shaqyrady. 12:0, 7:2 degen eseptiń ózi bizdiń quramanyń qanshalyqty nashar oıyn kórsetkendiginiń naqty dáleli emes pe!

«El aldyndaǵy maı jutady», demekshi qyrǵyzdar buljolǵy kókparda sózsizmaı jutty dese bolady.

Aqyn ORDABAIULY,

ALMATY