SportPress.kz Qazaqstan sport jańalyqtary
Japonııanyń Aıchı prefektýrasy men Nagoıa qalasynda jalaýy kóterilgen V Azııa para oıyndarynyń úshinshi jarys kúninde Qazaqstan ulttyq quramasynyń sportshylary para sadaq atýdan, para oq atýdan, para ústel tennısinen, para dzıýdodan, para velosporttan (trek), para júzýden, para paýerlıftıngten, arbadaǵy tennısten, para taekvondodan, bochchadan, voleıboldy otyryp oınaýdan jáne para jeńil atletıkadan synǵa tústi.
Para oq atýdan Erkin Ǵabbasov 10 metr qashyqtyqqa pnevmatıkalyq vıntovkamen nysana kózdeý (R1) saıysynda 249,1 upaı jınap, altyn medal alǵannan keıin para paýerlıftıngten Qazaqstan quramasynyń sportshylary bir altyn, eki kúmis jáne eki qola medal ıelendi.
Erler arasynda 54 kelige deıingi salmaq dárejesinde Davıd Degtıarev 192 kelini basynan asyryp, Azııa Para oıyndarynyń chempıony ataǵyn jeńip aldy. Sonymen birge ol Azııa Para oıyndarynyń rekordyn jańartty. Al áıelder arasynda 41 kelige deıingi salmaq dárejesinde Tursynaı Qabyl 104 kelini kóterip, jarystyń kúmis júldegeri atandy.
45 kelige deıingi salmaq dárejesinde Alına Solodýhına 103 keli nátıjemen kúmis medaldi jeńip alsa, Aıjan Berimqulova 101 kelini kóterip, qola júldege ıe boldy. Sondaı-aq Stanıslav Shakıev 59 kelige deıingi salmaq dárejesinde 181 kelini kóterip, jarystyń qola medalısi atandy. Osylaısha, para paýerlıftıngten bes sportshymyz jeńis tuǵyrynan kórindi. Erbolat Káribaı Erbolat pen Farhat Mýtýnov júldegerler qataryna ilige almady.
Para dzıýdodan jarystyń alǵashqy kúninde tatamıge jeti sportshy shyqty. Onyń tórteýi júldege talasty. Sonyń ishinde J2 sanatynda 70 kelige deıingi salmaqta synǵa túsken Ibragım Nurmahanuly fınalda ózbekstandyq sportshyny jeńip, altyn medal ıelendi. Al Álfııa Tilekqabyl jarystyń qola júldegeri atandy. J1 sanatynda 52 kelige deıingi salmaqta synǵa túsken otandasymyz Qyrǵyzstan ókilinen basym tústi.
Aıǵanym Janatbek (J1, 60 kg) qola júlde úshin beldesip, ındonezııalyq sportshydan jeńilse, Elnara Abdınazarova (J1,60 kg) ózbekstandyq sportshyǵa ese jiberdi.
Odan basqa Dınara Qujylova (J1 -70 kg ), Baýyrjan Arystanbekov (J1 -81 kg ), Daıana Fedosova (J2 -60 kg ) men Ǵalymjan Smaǵululy (J2-81 kg) da júlde alýǵa áli de múmkindik bar. Bul sportshylar qola medal úshin synǵa túsedi. Al para veloshabandozdar da jarap tur. Olar jarysta eki júldege ıe boldy.
Áıelder arasynda 4000 metrge jekeleı qýý jarysynda Kalaýs Anastasııa (stoker) men Polına Bratchıkova (pılot) kúmis júldeger atandy. Al erler arasynda dál osy qashyqtyqta Kırıll Ilıýkevıch (stoker) pen Gleb Brýssenskıı (pılot) qola medal ıelendi.
Ázirge el qorjynynda jeńil atletıkadan bir medal bar. Iadrony serpýden F35 klassynda óner kórsetken Elaman Jolaman 12.09 m nátıjesimen kúmis júlde aldy. Onyń qarsylasy ózbekstandyq Hýsnıddın Nýrbekov 15.43m kórsetkishimen birinshi orynǵa ıe boldy. Al Dastan Ordabaı T20 klassynda 400 m júgirýde 58.10 nátıje kórsetip, fınalǵa shyqty.
(Para Azıadanyń kúmis júldegeri — ıadro laqtyrýshy Elaman Jolaman)
Para jeńil atletıkadan 14 para sportshy el namysyn qorǵaýda. Jarysta Azııa elderinen 600-ge jýyq para atlet qatysýda.
Júzýden Dıas Kenjebek S10 sanatynda 100 metrge erkin stılde júzýden kúmis medal jeńip aldy. Sondaı-aq ulttyq qurama 20 upaılyq sanatta 4h50 metrge keshendi júzýden aralas komandalyq saıysta ekinshi oryn aldy.
Roman Potapov S11 sanaty boıynsha 100 metrge shalqalaı júzýden úshinshi orynǵa jaıǵasty. Vıktor Volkov te S13 sanaty boıynsha 100 metrge erkin stılde júzýden úzdik úshtikti túıindedi.
Anastasııa Kalaýs áıelder arasynda 4000 metrge jekeleı iz kesý jarysynda kúmis júldege ıe boldy. Dál osy qashyqtyqta erler arasynda Kırıll Ilıýkevıch qola medalǵa ıe boldy.
Para taekvondodan Qazaqstan quramasynyń atynan Mılana Krasaveva K44 klassynda 52 kelige deıingi salmaq dárejesinde synǵa tústi. Ol alǵashqy jekpe-jekte О́zbekstan ókili Ýmıda Mamaradjabovaǵa ese jiberdi. Jubanysh júldesi úshin ótken jekpe-jekte Mılana Krasaveva Irannyń ókili Roza Ibrahımıge 0:2 esebimen jeńildi. Osylaısha, sportshymyz V Azııa Para oıyndaryndaǵy jarys jolyn aıaqtady. Al K44 sanatynda 63 kelige deıingi salmaqta synǵa túsip jatqan Aıbek Jumanǵalı jarysty sátti bastady.
Otandasymyz aýǵan sportshysy Muhammed Tamam Sharıfıden 2:0 esebimen basym tústi. Kelesi jekpe-jekte Aıbek Jumanǵalı mońǵolııalyq Ganbat Bole-Erdenmen jartylaı fınal joldamasyn sarapqa salady.
Bochchadan jekeleı synda Qýanysh Asqarbekov Qytaı sportshysy Lo Gýanchjýndy 4:3 esebimen jeńdi. Áıelder arasynda Itana Shyńǵyshanova Gonkong ókili Iý Hıý Lamǵa 0:6 esebimen ese jiberdi. Erler arasynda Erhat Almat Gonkong sportshysy Chaý Chanmen kezdesip, 3:3 esebimen teń tústi. Sondaı-aq Azamat Aıazbaev Taıland ókili Ponchok Lapennen 0:12 esebimen jeńilse, Elmıra Mýsralıeva Gonkong sportshysy Iýen Chıonǵa 0:11 esebimen jol berdi.
Para sadaq atýdan W1 klasy boıynsha jekeleı saıystyń shırek fınalynda Nurshat Tóleýqasym Ońtústik Koreıa ókili Ham Teıdjındi 7:3 esebimen jeńdi. Endi ol aldaǵy kúnderi qola júlde úshin talasady.
(Sadaq atýshy Nurshat Tóleýqasym)
W1 klassynda jekeleı synda Temirlan Seıtqamal da shırek fınalǵa shyqty.
V Azııa Para oıyndarynda para sadaq atýdan ulttyq qurama sapynda 9 sportshy óner kórsetýde. Olar jekeleı, juptyq jáne aralas juptyq saıystarda baq synaıdy. Bul sport túrinen jarysqa 19 elden 100-ge jýyq sportshy qatysýda.
Qazaqstan para ústel tennısinen Azııa para oıyndarynyń alǵashqy medaldaryn ala bastady.
Ardaq Nurmaǵambetov Úndistan sportshysy Sandıp Dangıdi 3:0 esebimen jeńse, Álı Mahýlbekov jartylaı fınalda Qytaı Gonkonginiń ókili Chjao Shýaıǵa 0:3 esebimen ese jiberip, úshinshi oryn alyp qaldy. Sóıtip, ekeýi de qola júldeni qanaǵat tutty. Bul – elimizdiń sporttyń osy túrinen Azııa Para oıyndary tarıhynda jeńip alǵan alǵashqy medaldary.
V Azııa Para oıyndarynda para sadaq atýdan ulttyq qurama sapynda 9 sportshy óner kórsetýde. Olar jekeleı, juptyq jáne aralas juptyq saıystarda synǵa túsip jatyr. О́kinishke qaraı, Jasulan Kishen, Marjan Sábıt, Arlan Ateıbekov, Janat Áıtimova, Aızada Seıdan men Temirlan Seıitqamal qarsylastarynan jeńilip qaldy. Al Tóleýqasym Nurshat úshinshi oryn úshin baq synaıdy.
Bul sport túrinen jarysqa 19 elden 100-ge jýyq sportshy qatysýda.
Voleıboldy otyryp oınaýdan Qazaqstan quramasy alǵashqy oıynda Taıland komandasyn 3:0 esebimen jeńgennen keıin endi búgin Iran komandasymen oınaıdy.
Arbadaǵy tennısten Qazaqstan quramasynyń sportshylary jarysty sátti bastady.
Erler arasyndaǵy jekeleı synda Erdáýlet Qadymbergenov qytaılyq Taıbeı ókili Van Veısıýandi 7:5, 2:6, 6:3 esebimen jeńip, ekinshi aınalymǵa joldama aldy. Evgenıı Bykov ta alǵashqy kezdesýinde Ońtústik Koreıa sportshysy Lı Ionbeden 6:4, 6:2 esebimen basym tústi. Endi ol shırek fınalda Taıbeı ókili Hýan Chý-ınmen synǵa túsedi.
Jalpy, Japonııanyń Aıchı prefektýrasy men Nagoıa qalasynda tirek-qımyl apparaty, kórý qabileti zaqymdanǵan jáne zııatkerlik damý erekshelikteri bar sportshylar arasynda ótip jatqan V Azııa para oıyndaryna 45 elden 4 myńǵa jýyq sportshy qatysyp, sporttyń 18 túrinen 502 medaldy sarapqa salyp jatyr.
Elimizdiń ulttyq quramasy sapyndaǵy 150 oıynshy sporttyń 12 túri boıynsha kúsh synasýda.
Dastan KENJALIN,
ASTANA
