SportPress.kz Qazaqstan sport jańalyqtary
Japonııanyń Nagoıa qalasynda ótip jatqan V Azııa Para oıyndarynda Jurqamyrza Shúkirbekov para dzıýdodan J2 sanatynda 95 keliden asa calmaqta ırandyq Kheırollahzaden Varzı Mohammad Rezany jeńip, chempıony atandy.
Odan basqa el qorjynyna altyn júldelerdi para nysana kózdeýden Erkin Ǵabbasov, para paýerlıftıngten Davıd Degtıarev, para dzıýdodan Ibragım Nurmahanuly, Beksultan Qulmyrza, Aqtolqyn Seıilbekova, Zarına Raıfova, para júzýden Dıas Kenjebek, para velosporttan Naıl Ermuhanbet pen Anastasııa Kalaýs saldy.
Buǵan deıin Qazaqstan quramasynyń eń joǵary nátıjesi 2023 jyly Qytaıdyń Hanchjoý qalasynda ótken IV Azııa Para oıyndarynda tirkelgen edi. Ol kezde otandyq sportshylar 8 altyn, 12 kúmis jáne 21 qola medal ıelenip, jalpy sany 41 júlde alǵan. Osylaısha, bıyl ulttyq qurama altyn medal sany boıynsha burynǵy rekordty jańartyp, el sportynyń tarıhynda jańa beleske kóterildi.
Jarystar áli aıaqtalmaǵanyn jáne alda birneshe jarys kúni bar ekenin eskersek, sportshylardyń júlde qorjynyn odan ári tolyqtyrýǵa múmkindigi mol.
Bul jetistik elimizde para sporttyń qarqyndy damyp kele jatqanyn jáne sportshylarymyzdyń halyqaralyq arenadaǵy básekege qabilettiliginiń artqanyn kórsetedi.
Tarıhı nátıje sportshylar men jattyqtyrýshylardyń qajyrly eńbeginiń, sondaı-aq para sportty damytýǵa baǵyttalǵan júıeli memlekettik qoldaýdyń jemisi.
Bıylǵy Azııa Para oıyndarynda Qazaqstan namysyn 150 sportshy qorǵap jatyr. Jarys 24 qazanǵa deıin jalǵasady.
Dastan KENJALIN,
ASTANA
