SportPress.kz قازاقستان سپورت جاڭالىقتارى
بۇگىن جاپونيانىڭ ناگويا قالاسىندا ءوتىپ جاتقان V ازيا پارا ويىندارىندا پارا جۇزۋدەن ەرلەر اراسىندا S10 كلاسسى بويىنشا وتكەن فينالدا دياس كەنجەبەك باتتەرفلياي ءادىسىمەن 100 مەترگە 1 مينۋت 05.50 سەكۋندتا ءجۇزىپ، قولا مەدال يەلەندى.
كەشە ول S10 ساناتى بويىنشا 100 مەترگە 1 مينۋت 1،98 سەكۋندتا ءجۇزىپ، مارەگە ءبىرىنشى جەتىپ، پارا ازيادا چەمپيونى اتاندى. وسىلايشا ول ازيانىڭ بۇعان دەيىنگى 1 مينۋت 3،73 سەكۋندتىق رەكوردىن جاڭارتتى. ال وعان ول كەشەندى جۇزۋدەن وتكەن فينالدىق جارىستا 200 مەتردى 2 مينۋت 21.61 سەكۋندتا ءجۇزىپ، كۇمىس مەدال يەلەندى. ءسويتىپ، سپورتشى ءبىر جارىستا ءۇش جۇلدەنى جەڭىپ الدى.
V ازيا پارا ويىندارىنا 45 ەلدەن 4000-عا جۋىق سپورتشى قاتىسىپ، سپورتتىڭ 18 تۇرىنەن 502 مەدال جيىنتىعى ساراپقا سالىنادى.
قازاقستان ازيا پارا ويىندارىندا 2010 جىلدان بەرى قاتىسىپ، جالپى 105 مەدالدى جەڭىپ الدى. ونىڭ ىشىندە 20 التىن، 35 كۇمىس جانە 50 قولا مەدال بار.
2010 جىلى 63 سپورتشىمەن 6 سپورت تۇرىنەن قاتىسىپ، 2 كۇمىس جانە 5 قولا مەدال جەڭىپ الدى.
2014 جىلى ينچحون قالاسىندا (وڭت.كورەيا) 78 سپورتشى 9 سپورت تۇرىنەن قاتىسىپ، 24 مەدالگە (7 التىن،6 كۇمىس جانە 11 قولا) يە بولدى.
2018 جىلى دجاكارتادا (يندونەزيا) وتكەن III ازيا پارا ويىندارىندا ەلىمىزدىڭ 90 سپورتشىسى 9 سپورت تۇرىنەن باق سىناپ، ەلگە 33 مەدال (5 التىن، 15 كۇمىس،13 قولا) اكەلدى.
حانچجوۋ قالاسىندا وتكەن سوڭعى ازيا پارا ويىندارىندا 131 سپورتشى قاتىسىپ، رەكوردتتىق 41 مەدالدى (8 التىن، 12، 21 قولا) يەلەندى.
داستان كەنجالين،
استانا
