V Azııa Para oıyndary: Dıas Kenjebek qola medal jeńip aldy

Búgin Japonııanyń Nagoıa qalasynda ótip jatqan V Azııa Para oıyndarynda para júzýden erler arasynda S10 klassy boıynsha ótken fınalda Dıas Kenjebek batterflıaı ádisimen 100 metrge 1 mınýt 05.50 sekýndta júzip, qola medal ıelendi.

Keshe ol S10 sanaty boıynsha 100 metrge 1 mınýt 1,98 sekýndta júzip, márege birinshi jetip, Para Azıada chempıony atandy. Osylaısha ol Azııanyń buǵan deıingi 1 mınýt 3,73 sekýndtyq rekordyn jańartty. Al oǵan ol keshendi júzýden ótken fınaldyq jarysta 200 metrdi 2 mınýt 21.61 sekýndta júzip, kúmis medal ıelendi. Sóıtip, sportshy bir jarysta úsh júldeni jeńip aldy.

V Azııa Para oıyndaryna 45 elden 4000-ǵa jýyq sportshy qatysyp, sporttyń 18 túrinen 502 medal jıyntyǵy sarapqa salynady.

Qazaqstan Azııa Para oıyndarynda 2010 jyldan beri qatysyp, jalpy 105 medaldi jeńip aldy. Onyń ishinde 20 altyn, 35 kúmis jáne 50 qola medal bar.

2010 jyly 63 sportshymen 6 sport túrinen qatysyp, 2 kúmis jáne 5 qola medal jeńip aldy.

2014 jyly Inchhon qalasynda (Ońt.Koreıa) 78 sportshy 9 sport túrinen qatysyp, 24 medalge (7 altyn,6 kúmis jáne 11 qola) ıe boldy.

2018 jyly Djakartada (Indonezııa) ótken III Azııa Para oıyndarynda elimizdiń 90 sportshysy 9 sport túrinen baq synap, elge 33 medal (5 altyn, 15 kúmis,13 qola) ákeldi.

Hanchjoý qalasynda ótken sońǵy Azııa Para oıyndarynda 131 sportshy qatysyp, rekordttyq 41 medaldi (8 altyn, 12, 21 qola) ıelendi.

Dastan KENJALIN,

ASTANA