Mánerlep syrǵanaýshy Mıhaıl Shaıdorov pen onyń jattyqtyrýshysy Alekseı Ýrmanovtyń arasyndaǵy kelisimshart toqtatyldy. Bul týraly Týrızm jáne sport mınıstri Erbol Myrzabosynov aıtty, dep habarlady SportPress.kz.
Mınıstrdiń aıtýynsha, Olımpıada chempıonynyń jańa sporttyq ıkli bastaldy. Endi Mıhaıl Shaıdorov aldaǵy jarystarǵa daıyndalatyn bapkerler quramy men komandasyn ózi tańdaı alady.
Erbol Myrzabosynov Alekseı Ýrmanovqa alǵys aıtyp, mamannyń sońǵy jyldary atqarǵan eńbegin baǵalady. Mınıstr aldaǵy ýaqytta reseılik bapker Qazaqstannyń jas mánerlep syrǵanaýshylaryn daıyndaýǵa úles qosatynyna úmittenedi.
Alekseı Ýrmanovtyń jetekshiligimen Mıhaıl Shaıdorov 2026 jylǵy Mılan Olımpıadasynda altyn medal jeńip alyp, Qazaqstan tarıhyndaǵy mánerlep syrǵanaýdan tuńǵysh Olımpıada chempıony atandy. Sondaı-aq ol 2025 jylǵy tórt qurlyq chempıonatynda top jaryp, álem chempıonatynda kúmis júldege ıe boldy.
SportPress.kz Qazaqstan sport jańalyqtary