SportPress.kz قازاقستان سپورت جاڭالىقتارى
ءبىز ماتچتىڭ قيىن بولاتىنىن تۇسىنەمىز. بارىنشا دايىندالىپ جاتىرمىز. ەۋروپا ليگاسى بولعاننان كەيىن وڭاي قارسىلاس جوق. ەرتەڭ ءبىزدى مىقتى قارسىلاس كۇتىپ تۇر.
– ۋكراينا ساپىندا قازاقستانعا قارسى بىرنەشە رەت وينادىڭىز. وسى ۋاقىت ارالىعىندا قازاقستان فۋتبولى قانشالىقتى دامىدى دەپ ويلايسىز؟ نەمەسە باسقا پىكىردەسىز بە؟
– ءبىر عانا «استانانى» الايىق. سوڭعى جىلدارى ەۋروكۋبوكتىق ويىنداردا ءجيى ونەر كورسەتىپ ءجۇر. وسىعان قاراپ-اق قازاقستان فۋتبولى دامىپ جاتىر دەپ ويلايمىن.
– قازاقستاندا ۋكراينالىق فۋتبولشىلار بار. ولاردىڭ بىرىمەن تانىس بولساڭىز، قازاقستان چەمپيوناتى جايلى قانداي پىكىر ءبىلدىردى؟
– ءيا، تانىستارىم بار. ولار اسىرەسە، «استانا» مەن «قايرات» جايلى كوپ ايتادى. ولاردىڭ دەڭگەيى باسقالارىنان جوعارى ەكەنىن ەستىدىم.
– اۋا رايىنىڭ سالقىندىعى سىزدەرگە قيىندىق تۋدىرماي ما؟
– ولاي دەپ ايتپاس ەدىم. سەبەبى، ەكى كوماندا بىردەي جاعدايدا وينايدى. بىزگە اۋا رايىنا قاراعاندا جاساندى الاڭ قيىندىق تۋدىرۋى مۇمكىن. بىراق ءبىز ونى سىلتاۋ ەتكىمىز كەلمەيدى. سينتەتيكالىق الاڭعا تەز ارادا بەيىمدەلۋىمىز كەرەك. جاتتىعۋ بارىسىندا دوپتىڭ قوزعالۋ جىلدامدىعىن ەسەپتەي ءبىلۋىمىز كەرەك.
– كارەراڭىزدىڭ باسىم بولىگىن «دنەپر» كومانداسىندا وتكىزدىڭىز. وكىنىشكە قاراي، ولاردىڭ جاعدايى قازىر قيىن. ۋكراينالىق كلۋب سىزگە قارىزدارىڭىزدى تولىق وتەي الدى ما؟ «ۆيلياررەالدى» توپتا فاۆوريت دەپ ەسەپتەيسىز بە؟
– مۇنداي ۇلكەن كلۋبتىڭ قيىن جاعدايعا تاپ بولعانى ماعان وتە اۋىر. بىراق امال قانشا؟! بۇل فۋتبول. فۋتبولشىلاردىڭ مۇندايدا قولىنان ەشنارسە كەلمەيدى. ال قارىزعا كەلەر بولساق، تولىق قايتارمادى. بىراق بۇل تاقىرىپقا ەندى توقتالعىم كەلمەيدى. «ۆيلياررەالدىڭ» فاۆوريت ەكەنى راس. بىراق ءبارىن جاسىل الاڭدا كورەمىز.
ايتا كەتەيىك، «استانا» مەن «سلاۆيا» اراسىنداعى كەزدەسۋ ەرتەڭ ساعات 21:00-دە باستالادى.
