Rýslan Rotan: Astanada jasandy alań qıyndyq keltirýi múmkin

Biz matchtyń qıyn bolatynyn túsinemiz. Barynsha daıyndalyp jatyrmyz. Eýropa lıgasy bolǵannan keıin ońaı qarsylas joq. Erteń bizdi myqty qarsylas kútip tur.

– Ýkraına sapynda Qazaqstanǵa qarsy birneshe ret oınadyńyz. Osy ýaqyt aralyǵynda Qazaqstan fýtboly qanshalyqty damydy dep oılaısyz? Nemese basqa pikirdesiz be?

– Bir ǵana «Astanany» alaıyq. Sońǵy jyldary eýrokýboktyq oıyndarda jıi óner kórsetip júr. Osyǵan qarap-aq Qazaqstan fýtboly damyp jatyr dep oılaımyn.

– Qazaqstanda ýkraınalyq fýtbolshylar bar. Olardyń birimen tanys bolsańyz, Qazaqstan chempıonaty jaıly qandaı pikir bildirdi?

– Iá, tanystarym bar. Olar ásirese, «Astana» men «Qaırat» jaıly kóp aıtady. Olardyń deńgeıi basqalarynan joǵary ekenin estidim.

– Aýa raıynyń salqyndyǵy sizderge qıyndyq týdyrmaı ma?

– Olaı dep aıtpas edim. Sebebi, eki komanda birdeı jaǵdaıda oınaıdy. Bizge aýa raıyna qaraǵanda jasandy alań qıyndyq týdyrýy múmkin. Biraq biz ony syltaý etkimiz kelmeıdi. Sıntetıkalyq alańǵa tez arada beıimdelýimiz kerek. Jattyǵý barysynda doptyń qozǵalý jyldamdyǵyn esepteı bilýimiz kerek.

– Karerańyzdyń basym bóligin «Dnepr» komandasynda ótkizdińiz. О́kinishke qaraı, olardyń jaǵdaıy qazir qıyn. Ýkraınalyq klýb sizge qaryzdaryńyzdy tolyq óteı aldy ma? «Vılıarrealdy» topta favorıt dep esepteısiz be?

– Mundaı úlken klýbtyń qıyn jaǵdaıǵa tap bolǵany maǵan óte aýyr. Biraq amal qansha?! Bul fýtbol. Fýtbolshylardyń mundaıda qolynan eshnárse kelmeıdi. Al qaryzǵa keler bolsaq, tolyq qaıtarmady. Biraq bul taqyrypqa endi toqtalǵym kelmeıdi. «Vılıarrealdyń» favorıt ekeni ras. Biraq bárin jasyl alańda kóremiz.

Aıta keteıik, «Astana» men «Slavııa» arasyndaǵy kezdesý erteń saǵat 21:00-de bastalady.