Bir maýsymda eki lıgada chempıon bolǵan qazaq qyzy

Voleıboldan qyzdar arasyndaǵy Qazaqstan chempıonatynyń 2016/17 jyldardaǵy maýsymy támamdaldy. Túrik mamany Janbolat Býrhan jattyqtyrǵan О́skemenniń «Altaı» voleıbol klýby ekinshi jyl qatarynan ulttyq lıgany utyp aldy. Komanda kapıtany Inna Matveeva bastaǵan, tisqaqqan Sana Anarqulova, Álııa Sadyqova, Krıstına Anıkonova, Inna German, nátıjeli shabýylshy, kýbalyq Iýneska Robles Batısta, brazılııalyq baılanystyrýshy Sabrına Karıoka sııaqty jankúıerlerge etene tanys oıynshylardan bólek, bul tizimdegi 18 jastaǵy baılanystyrýshy Dınara Qojanberdınany baıqamaý múmkin emes edi. О́skemende ótken birinshi týrda «Ertis- Qazhrommen» (Pavlodar) oıynda komandanyń negizgi baılanystyrýshysy Irına Lýkomskaıa tizesinen aýyr jaraqat alyp, maýsym sońyna deıin qatardan shyqty. Onyń ornyn «Altaı-2» klýbynyń negizgi oıynshysy Dınara Qojanberdına basyp, maýsymdy sońyna deıin eki komandada da sátti ótkizip, eki klýbta da el chempıony boldy.
– Dınara, suhbatymyzdyń álqıssasyn voleıbolǵa qalaı kelgeniń týraly áńgimeden bastasaq…
– Voleıbol oıynyna meni eshkim jetektep, bolmasa «mynaý jaqsy oıyn» dep kórsetip alyp kelgen joq. О́zim qyzyǵyp osy sport túrin tańdadym. Jalpy, voleıboldy tańdaýym óte qyzyq boldy. Bastapqyda men bı úıirmesine qatysyp júrdim jáne sportshy bolamyn dep múlde oılaǵanym joq. Birde voleıboldan mektepishilik jarys boldy. Baryp kórdim, oıyn kóńilimnen shyqty, qatty unady. Ýaqyt óte kele bıge qyzyǵýshylyǵym azaıyp, jan dúnıem sportty qalap turdy. Baǵyma oraı, synyp jetekshimiz dene tárbıesinen sabaq bergen Rıza Maýkına esimdi apaı edi. Ol kisi kóptegen jarystarǵa ózi jiberdi, meni sportshy esebinde qalyptastyrýǵa molynan eńbek sińirdi. Eger voleıbolǵa qatty qyzyqpasam, bıshi bolyp júre berer me edim, kim bilsin?
– Áke-shesheń qarsy bolmady ma?
– Bizdiń otbasymyzda sportshy bolmaǵannan keıin anam Gúldaraı Ábilova bastapqyda qarsy boldy. Artynsha jattyqtyrýshylarym surap alǵan sátte aq jol tilep, ruqsatyn berdi. Qazir meniń kishkentaı jetistikterime birinshi bolyp anam jáne aǵam Dıdar Ábilov qýanady. Siz myna sózdi mindetti túrde jazyńyzshy: «Meni osyndaı dárejege jetkizgen, el qatarly ósirgen anam men aǵama alǵys bildiremin». Otbasymyzdaǵy ázirge jalǵyz sportshy menmin, keıin taǵy shyqpasa.
– Voleıboldy tańdaǵanyńa ókinetin sátter bola ma?
– «Joq» dep kesip aıtaıyn. О́zime bul oıyn qatty unaıdy.
– Jattyǵý ýaqyttary qalaı?
– Kúnine eki ýaqyt jattyǵý jasaımyz. Al beısenbi jáne jeksenbi kúnderi demalys beredi.
– Jyl sanap el chempıonatynyń deńgeıi joǵarylap, voleıbolshylar da ósip keledi. Básekelestikten qoryqpaısyń ba?
– Joq. Men áý basta qaınaǵan básekelestiktiń ortasynda bolatynymdy bildim jáne ózime sengendikten osy joldy tańdadym. Sport – jarys, básekelestik. Kúndelikti eńbek pen jattyǵýlardyń arqasynda jetistikterge jetetinime senemin. Eń bastysy, maqsatym aıqyn. Senseńiz, men voleıbolǵa qadam basqannan keıin alǵan eki-aq jyl ishinde joǵarǵy lıgada oınadym. Adam ózine mindet qoıa bilse, sózsiz nátıje shyǵarady.
– Qazaqstan jastar quramasynyń qatarynda eki jyl Azııa birinshiligine qatystyń. Ne túıdiń? Bizdiń quramanyń nesi artyq, nesi kem boldy?
– Shyny kerek, Azııanyń birqatar elderinde voleıbolǵa sport dep emes, ómirim dep qaraıdy. Voleıboldan álemdik reıtıngtiń kóshbasshylar tizimine kiretin Koreıa, Taıland, Japonııa jáne Qytaı elderinde kózin ashqaly voleıbol oınasa, ulttyq quramaǵa bala jastan irikteý júrgiziledi. Osy eldermen voleıboly endi damyp kele jatqan bizdiń eldi salystyrýǵa kelmeıdi. Jastar quramasynyń kóp oıyndarynda senimdilik pen ustamdylyqty joǵaltyp alamyz. Kemshiligimiz – sol. Men el quramasynyń jarqyn jeńisterge jetetinine, bıik jetistikter men úlken belesterdi baǵyndyratynyna senemin. Biz áli birinshi bolamyz!
– Úlgi tutatyn oıynshyń kim jáne ol saǵan nesimen, qaı áreketimen erekshe?
– Úlgi tutatyn áriptesim – Qazaqstan quramasynyń jáne «Jetisý» voleıbol klýbynyń baılanystyrýshysy Korınna Ishımeva. Korınnadan úırenerim óte kóp. Bastysy, oıyn barysynda oıynshylarmen baılanysty óte jaqsy ustaıdy. Baılanystyrýshyǵa kerek basty qasıet te sol.
– Eki komanda sapynda («Altaı» –ulttyq lıga, «Altaı-2» – joǵarǵy lıga) el chempıony boldyń. Ázirge bul jetistikke jetken qazaq qyzdarynan jalǵyz oıynshysyń. Bir maýsymdaǵy eki chempıondyqtyń áseri qandaı bolady eken?
– Keremet. Bul sezimdi sózben aıtyp jetkize almaımyn. Áli de sener emespin. Tipti birinshi oryn alǵanymyzdyń ózi kórgen tústeı. Kóńil kúıimiz óte tamasha.
– Esińde aıryqsha saqtalǵan oıynda jeńis pen jeńilis bolǵan kezdesý týraly aıtyp ótshi.
– Sońǵy altynshy týrda basty qarsylastarymyz «Ertis-Qazhromdy» 3:1 (25:12, 25:18, 17:25, 25:22) esebimen jeńgen sát erekshe esimde saqtaldy. Biz dál sol kúni alańǵa janymyzdy berip ketýge ázir boldyq. Eger jeńilsek, ekinshi orynǵa túsip, chempıondyqtan qol úzip qalatyn edik. Sol kúni komanda jumylǵan judyryqtaı boldy. О́zimizdi psıhologııalyq turǵydan birneshe kún buryn daıyndadyq.
Jeńilgen sát… Pavlodarda ótken 4-týrda «Ertis-Qazhromnan» 2:3 (25:21, 21:25, 21:25, 26:24, 13:15) esebimen jeńildik. Umytylmas kezdesýlerdiń biri. Bizge úlken sabaq boldy. Aıtarlyqtaı jeńilis te bolmady, esep eki jaqqa kezek-kezek tarazydaı teńselip otyrdy. Eń ókinishtisi – qarsylasyńnan 5-6 dop aıyrmasymen alda turyp jeńilý.
– Ulttyq qurama sapynan qashan kóre alamyz?
– Kóp uzamaı qosylatyn shyǵarmyn dep úmittenemin. Árıne, aldyma qoıǵan maqsattarymnyń oryndalýy, júzege asýy úshin qolymnan kelgenniń bárin jasaımyn. Ol úshin áli de tynbaı eńbek etý kerek.
– «Altaıdy» eki maýsymda chempıondyqqa jetkizgen bas bapker Janbolat Býrhannyń komandadan ketýin qalaı qabyldadyń?
– Shynymen ókinishti jaǵdaı boldy. Eki jyldyń ishinde qatty baýyr basyp qalyppyz. Ketken sátte kózimizden jas ta shyǵyp ketti. Bizge «ketemin» dep aıtýynyń ózi ol kisige aýyrǵa tústi. Bizdi umytpaıdy dep úmittenemin, al biz ony umytpaımyz. Buıyrtsa, bolashaqta taǵy da jolymyz túıisedi dep oılaımyn.
– О́skemende mamyrda ótetin Azııa klýbtyq chempıonatyna Qazaqstannyń atynan «Altaı» qatysady. Daıyndyqtaryń qalaı?
– Daıyndyq jaqsy. О́kinishke qaraı, ol jarysqa qatyspaımyn. Dál sol ýaqytta jastar quramasyna irikteýler bolady. Meniń maqsatym – jastar quramasyndaǵy ornymdy saqtap qalý.
– Suhbatyńa raqmet. Sporttyq tabystar tileımin.

Áńgimelesken Serik QANTAI

zhasalash.kz