Vahıd Masýdov: «Astana» Eýropada oınap, elimizde ústemdik quryp otyr

«Aqjaıyq» komandasynyń bas bapkeri Vahıd Masýdov «Astanaǵa» qarsy oıyn týraly oı bólisti.

– О́te aýyr oıyn ótkizgenimiz belgili. Komandalardyń deńgeıi jer men kókteı. «Astana» eki kún buryn oıyn ótkizgenine qaramastan, birinshi mınýttan bastap qyspaqqa alýmen boldy. Eki goldan da kóbirek soǵatyn múmkindikteri boldy. Al biz qarsy shabýyl arqyly oınaýǵa áreket ettik, biraq ol oıymyz júzege aspady. Qolymyzdan kelgenshe qarsylyq kórsettik, biraq aqyr sońynda «Astananyń» deńgeıi úlken ról atqardy.

— «Astana» laıyqty túrde chempıon atandy dep oılaısyz ba?

— «Astanany» chempıondyǵymen quttyqtaımyn, al biz óz qıyndyqtarymyzdy sheshýge tıispiz. «Aqjaıyq» úshin maýsym áli aıaqtalǵan joq, 9 qarashada ótpeli oıyndy ótkizýimiz qajet.

— Fýtbolda úshinshi komandany yntalandyrýǵa tyıym salynbaǵan ǵoı, sizge «Qaırattan» bireý habarlasqan bolar?!

— Biz óz máselelerimizdi sheshýimiz kerek. Biraq maǵan eshkim habarlaspaǵanyn aıta keteıin, al fýtbolshylarǵa bireý qońyraý shalǵanyn bilmeıdi ekenmin. Ol jaǵyn ózderinen suraǵan jón. Jigitter qanshalyqty qıyn jaǵdaıǵa tap bolǵanyn kórdik, biz «Astanaǵa» qarsylyq kórsetýge tyrystyq. Biraq bári de biz oılaǵandaı bolǵan joq.

— «Astana» qatarynan tórtinshi ret el chempıony bolyp otyr, eýrokýboktardyń kóktemgi kezeńine shyǵý múmkindigi de bar. Osyǵan qarap «Astana» dál qazir elimizdiń eń myqty komandasy deýge bola ma?

— «Astana» Eýropada jaqsy tájirıbe jınady. Sol úshin Qazaqstanda ústemdik quryp otyr. Bizdiń fýtbolshylarymyzǵa jetpeı turǵan dúnıe — mine, osy.

Aıta keteıik, «Astana» búgin Premer-lıganyń sońǵy týrynda Oraldyń «Aqjaıyǵyn» óz alańynda 2:0 esebimen utyp, tórtinshi jyl qatarynan el chempıony ataǵyna qol jetkizdi.

Turar ERMURAT