پاۆلودارلىق جۋرناليست مەككەگە ۆەلوسيپەدپەن بارا جاتىر

28 مامىر كۇنى رەسپۋبليكالىق «سپورت جۇلدىزدارى» جۋرنالىنىڭ پاۆلودار وبلىسىنداعى مەنشىكتى ءتىلشىسى قوجاكەلدى الدانوۆ ەكىباستۇز قالاسىنان ساۋد ارابياسىنىڭ مەككە قالاسىنا اتتاندى. بۇل تۋرالى وسى باسىلىمنىڭ باس رەداكتورى مۇساعالي تاسقاليەۆ ايتتى.

ءبىزدىڭ  «سپورت جۇلدىزدارى» جۋرنالىنىڭ پاۆلودار وبلىسىنداعى مەنشىكتى ءتىلشىسى قوجاكەلدى الدانوۆ ۆەلوسيپەدپەن ەكىباستۇز قالاسىنان قاسيەتتى مەككەگە قاجىلىق پارىزىن وتەۋگە شىقتى. بۇل ساپار «قۇنانبايدىڭ ىزىمەن مەككە ساپارى» دەپ اتالادى. ارىپتەسىمىز قازاقستاننان ازەربايجانعا، ودان ءارى گرۋزيا، تۇركيا، يوردانيا ەلدەرى ارقىلى ەكى تەڭىزدى كەسىپ ءوتىپ، ساۋد ارابياسىنا جەتۋدى جوسپارلاپ وتىر.

قوجاكەلدى ءىنىمىز ءدال قازىر ۆيزا ماسەلەسىمەن استانا قالاسىندا ءجۇر. بۇگىن كەشكىسىن جولعا شىعادى. ۇزاق تا قيىن ساپارعا شىققان ارىپتەسىمىزگە ساتتىلىك تىلەيمىز! اق جول قوجاكەلدى! اللانىڭ ءوزى جار بولسىن ساعان!، — دەدى ول.

ال قوجاگەلدى الدانوۆتىڭ ءوزى بىزبەن اڭگىمەدە جەكسەنبى كۇنى جولعا شىققانىن، تاڭەرتەڭ استانا قالاسىنا جەتكەنىن ايتتى.

اللاھىم وسى كۇندى بۇيىرتقان شىعار. جانىم جاراتۋشىعا امانات! ەندى اللاھىم مەككەدە، قاعبانىڭ جانىندا جاراتقانعا دۇعا ەتۋدى جازسىن!، — دەدى ول.

قوجاكەلدى الدانوۆتى قاسيەتتى ساپارعا تۋعان-تۋىستارى مەن جەرلەستەرى شىعارىپ سالعان.

داستان كەنجالين،

استانا