Pavlodarlyq jýrnalıst Mekkege velosıpedpen bara jatyr

28 mamyr kúni Respýblıkalyq «Sport juldyzdary» jýrnalynyń Pavlodar oblysyndaǵy menshikti tilshisi Qojakeldi Aldanov Ekibastuz qalasynan Saýd Arabııasynyń Mekke qalasyna attandy. Bul týraly osy basylymnyń bas redaktory Musaǵalı Tasqalıev aıtty.

Bizdiń  «Sport juldyzdary» jýrnalynyń Pavlodar oblysyndaǵy menshikti tilshisi Qojakeldi Aldanov velosıpedpen Ekibastuz qalasynan qasıetti Mekkege qajylyq paryzyn óteýge shyqty. Bul sapar «Qunanbaıdyń izimen Mekke sapary» dep atalady. Áriptesimiz Qazaqstannan Ázerbaıjanǵa, odan ári Grýzııa, Túrkııa, Iordanııa elderi arqyly eki teńizdi kesip ótip, Saýd Arabııasyna jetýdi josparlap otyr.

Qojakeldi inimiz dál qazir vıza máselesimen Astana qalasynda júr. Búgin keshkisin jolǵa shyǵady. Uzaq ta qıyn saparǵa shyqqan áriptesimizge sáttilik tileımiz! Aq jol Qojakeldi! Allanyń ózi jar bolsyn saǵan!, — dedi ol.

Al Qojageldi Aldanovtyń ózi bizben áńgimede jeksenbi kúni jolǵa shyqqanyn, tańerteń Astana qalasyna jetkenin aıtty.

Allahym osy kúndi buıyrtqan shyǵar. Janym Jaratýshyǵa amanat! Endi Allahym Mekkede, Qaǵbanyń janynda Jaratqanǵa duǵa etýdi jazsyn!, — dedi ol.

Qojakeldi Aldanovty qasıetti saparǵa týǵan-týystary men jerlesteri shyǵaryp salǵan.

Dastan KENJALIN,

ASTANA