• Қазақ
  •   
  • Qazaq
  •   
  • قازاق
  •   
  • Рус
  •   

    يۋنەسكو وكىلدەرى ۇلتتىق مۋزەيدە سەمينار-كەڭەس وتكىزدى

    بۇگىن يۋنەسكو-نىڭ ءداستۇرلى سپورتتار مەن ويىندار كوميتەتىنىڭ وكىلدەرى رەسمي ءىس-ساپارمەن ەلورداعا كەلدى.

    بۇل مارتەبەلى مەيمانداردىڭ قازاقستانعا ارنايى ات باسىن بۇرۋىنىڭ باستى سەبەبى – 1-2 ماۋسىم  كۇندەرى استاناداعى «قازانات» اتشابارىندا وتەتىن تەڭگە ىلۋدەن ءىى ازيا چەمپيوناتى مەن اۋدارىسپاقتان ءىىى ازيا چەمپيوناتىن تاماشالاۋ. سەبەبى، 2021 جىلى العاش رەت الەمدىك ەتنوسپورت ويىندارىن ۇيىمداستىرۋ جوسپارعا ەنگىزىلۋدە. يۋنەسكو اياسىندا تۋ كوتەرۋى  مۇمكىن وسى الەمدىك باسەكەنى وتكىزۋگە لايىق ءتورت مەملەكەتتىڭ قاتارىندا قازاقستان رەسپۋبليكاسى دا  بار. سوندىقتان، يۋنەسكو-نىڭ ءداستۇرلى سپورتتار مەن ويىندار كوميتەتى  وكىلدەرى استانادا وتەتىن ازيا چەمپيوناتتارىن جاي عانا تاماشالاۋمەن شەكتەلمەي، ءبىزدىڭ ەلدەگى ۇلتتىق سپورت جارىستارىنىڭ ۇيىمداستىرىلۋىن، ناسيحاتتالۋى دەڭگەيىن، جالپى حال-احۋالىن، ءتىپتى، جانكۇيەردىڭ قىزىعۋشىلىقتارىن ءوز كوزدەرىمەن كورمەكشى.

    استاناداعى ۇلتتىق مۋزەيدە بۇگىن يۋنەسكو وكىلدەرىمەن ارنايى كەزدەسۋ ۇيىمداستىرىلدى. مارتەبەلى مەيماندار   مادەنيەت جانە سپورت ءمينيسترى ارىستانبەك مۇحامەدي ۇلىمەن، ۇلتتىق سپورت تۇرلەرى قاۋىمداستىعىنىڭ قۇرمەتتى پرەزيدەنتى قايرات ساتىبالدى ۇلىمەن جانە ۇلتتىق سپورت تۇرلەرى قاۋىمداستىعىنىڭ پرەزيدەنتى، ءماجىلىس دەپۋتاتى  بەكبولات تىلەۋحانمەن جۇزدەسىپ،  الەمدىك ەتنوسپورت تاقىرىبىندا كەلىسسوزدەر جۇرگىزدى.

    شارا اياسىندا يۋنەسكو، مادەنيەت جانە سپورت مينيسترلىگى جانە ۇلتتىق سپورت تۇرلەرى قاۋىمداستىعى اراسىنداعى ءوزارا تۇسىنىستىك جونىندەگى مەموراندۋمعا قول قويىلدى. سونداي-اق، يۋنەسكو وكىلدەرىنىڭ ازيا چەمپيوناتىنا قاتىساتىن 9 مەملەكەت كوماندالارىنىڭ جەتەكشىلەرىمەن،  ەلىمىزدەگى ۇلتتىق سپورت جانە سپورتتىڭ جەتەكشى  ماماندارىمەن «ەتنوسپورتتى دامىتۋ جانە ناسيحاتتاۋ» تاقىرىبىنداعى سەمينار-كەڭەسى تىڭدالدى.

    كەزدەسۋ سوڭىندا يۋنەسكو-نىڭ  ءداستۇرلى سپورتتار مەن ويىندار كوميتەتىنىڭ توراعاسى حاليل احمەد حان، كوميتەتتىڭ ۇيلەستىرۋشىسى – مارسەللين دەللي جانە كوميتەتتىڭ حاتشىسى شاممي رانا مىرزالار قازاقستانداعى ۇلتتىق سپورتتىڭ وركەندەۋىنە تىلەكتەستىك ءبىلدىرىپ، رەسمي قابىلداۋعا ءوز ريزالىقتارىن جەتكىزدى. ءوز كەزەگىندە قازاقستاندىق رەسمي دەلەگاتسيا  ازيا چەمپيوناتتارىنا يۋنەسكو-نىڭ وسىلايشا نازار اۋدارعانىنا العىس ايتىپ،  كەلەشەكتە ەتنوسپورتتى الەمدىك دەڭگەيدە بىرگە ناسيحاتتاي باستايتىنىنا سەنىمدەرىن ءبىلدىردى.

     

    مادەنيەت جانە سپورت مينيسترلىگىنىڭ ءباسپاسوز قىزمەتى

     

    پىكىر جازۋ

    Your email address will not be published. Required fields are marked *

    *