Almatyda «Pıng-pong hanshaıymy» týrnıriniń jeńimpazdary anyqtaldy

27-28 tamyz kúnderi Almatyda Qazaqstannyń ústel tennısi federaııasy men  QHR-dyń bas konsýldyǵynyń qoldaýymen BAURZHAN Foundation» jeke qorynyń uıymdastyrýymen balalar úıiniń tárbıelenýshi qyzdary arasynda ústel tennısinen týrnır ótti.

13 pen 16 jas arasyndaǵy qyzdar jarysynda  Rýdnyı qalasynan kelgen  Olga Kım, al 9 ben 12 jas aralyǵyndaǵy synda Qaraǵandy oblysy «Tańsholpan» balalar úıiniń tárbıelenýshisi Týzova Evgenııa jeńimpaz atandy. Endi olardyń Shanhaı qalasyndaǵy sport mektebine barýǵa múmkindigi bolady.

27 tamyzda ústel tennısi federaııasynda baspasóz máslıhaty men týrnırdiń saltanatty ashylýy ótti. Oǵan QHR-dyń Almatydaǵy Bas konsýldyǵynyń ókili Chjan Sıaoın, ústel tennısi federaııasynyń atqarýshy dırektory Malık Beısalıev pen «Nur Otan» partııasynyń Almaty kalalyq bólimshesi tóraǵasynyń orynbasary Qaıym-Munar Tabeev qatysty. Olar biregeı bul áleýmettik jobanyń mańyzdylyǵyn aıtyp ótti.

Sondaı-aq saltanatty sharada ashylýda kásibı sportshylardyń qatysýymen sheberlik saǵaty ótip, jas sportshy qyzdar ózderiniń qabiletterin shyńdaı túsýge jáne jaqsylap shynyǵýǵa múmkindik aldy. Qyzdar jarysta ózderin erkin ustap, esh jasqanbaı  oınady.

Týrnırdiń birinshi kezeńi elimizdiń 14 aımaǵynan kelgen 34 tárbıelenýshi arasynda ótti. Jas sportshy qyzdar 9-12 jáne 13-16 jas aralyǵynda óner kórsetti.

Bul týrnırdiń mańyzy jaıynda «Baurzhan» qarynan  uıymdastyrýshysy Dınara Qadyr da aıtty. « Bizdiń «Pıng-pong hanshaıymy» týrnırin ótkizýdegi eń mańyzdy shabyttandyrýshymyz – balalar úıiniń tárbıelenýshileri men olardyń sportqa degen qyzyǵýshylyǵy. Myna shara – olarǵa degen kishkene syıymyz. Kim biledi, múmkin osy týrnırdiń arqasynda bireýleri sport áleminen óz ornyn taýyp bolashaqta chempıon atanar», dedi ol.

28 tamyz kúni týrnırdiń fınaly ótti. Chempıon atanǵan 9 jastaǵy Evgenııa Týzova jas kishiligine qaramastan qarsylastarynyń bárin jeńdi. Endi ol jarystyń taǵy bir jeńimpazymen  Qytaıdyń Shanhaı qalasyna barady.

Týrnırdiń sońynda qyzdardy Almaty qalasynyń máslıhat depýtaty Asylhan Tólepov, «Nur Otan» partııasynyń Almaty kalalyq bólimshesi tóraǵasynyń orynbasary Qaıym-Munar Tabeev, balýan Islam Baıramýkov, QHR-dyń Bas konsýldyǵynyń jaýapty atqarýshysy Mııao Hongbo quttyqtady.

Tomırıs KERIMQULOVA

ALMATY